Manaomia le faaleleia o Auala
Ua tatau i le malo poo taitai o le malo o Samoa ona faatino a latou folafolaga sa faailoa i le atunuu lautele e pei ona taua e Olafou Lepanona mai le afioaga o Satuimalufilufi.
“O le leaga o auala i lo matou afioaga ua leva tausaga o faafesagai pea ma le matou afioaga ma ua oo lava i se tulaga le manuia”.
“E leó nofonofoaí ai lava le matou afioaga mai le tuuina atu o talosaga e tatau ona faaleleia matou auala, peitai e faaleleia nei, toulu timuga ona toe faaleagaina ai foi lea.”
Na ta'ua e Lepanona, o le komiti a tina ma tamaitai o le latou afioaga o loo taulamua lea i le faamamaina ma le teuteuina o le auala aua turisi tafafao maimoa mai fafo. Ae ou te talitonu e tatau i le pulega e nafa ma ia galuega ona galulue faatasi ma le matou afioaga ina ia faaleleia le auala aua le manuia mo tagata lautele o le atunuu."
“Tulaga faanoanoa ona o lea ua oó mai le Kerisimasi ma o se tulaga mautinoa o le a tele mai foi turisi tafafao maimoa mai fafo e asia le tatou atunuu ae o lea matuaí tele le faaletonu i o tatou auala”.
A faleleia matou auala o le a mautinoa foi le toatele o turisi e asia matou fale apitaga mo a latou faiga malolo i aso fiafia.