Fa’amuamua fanau
O le avea ai ma fa’ata’ita’iga lelei i fanau o se itu taua tele lea.
O lea le finagalo fa’aalia o Fiapa’ipa’i Faiesea i le Fofoga o Samoa i le aso ananafi.
“Ia e pei o lea lava le tulaga o lo’o ua i ai le taimi lenei, o le taumafai lava lea ina ia fa’aitiitia le tulaga i le taumafai ai e ta’ita’ia fanau i le ala tonu e tatau ai.
Na ia fa’ailoa o se tulaga lelei tele lea.
“E pei ona silafia ai, o se itu lea e ao ona va’ava’ai ai matua i lenei vaitau, ua tele ina maitauina le tulaga fo’i le le o le mafai ona fa’atino o vaega ta’itasi aemaise o tofi ona o le tele o vaega e fa’aalu ai le taimi."
“Ae o lo’u ia lava iloa i ai e ao lava i o tatou tagata ona fa’aalia o so’o se vaega mo lelei alu i luma o le soifuaga olo’o ua i ai nei."
“O se itu e ao ona silasila i ai mo le lelei alu i luma o le atunu’u aemaise o tulaga o le ola lelei ai o nai fanau."
Na ia fa’ailoa e ao lava ona ave le fa’amuamua i fanau.
“Ia e pei o lea lava le tulaga e tatau ona i ai Samoa, o le ave i le fa’amuamua i nai fanau aua ua o tatou iloa uma lava ua leaga nei aso."
“O se itu e ao ona silasila i ai le tulaga fo’i lea mo le lelei alu i luma o so’o se taumafaiga o lo’o ua i ai nei, aemaise o le tulaga taua o le soifuaga o nai o tatou tagata aemaise o le aga’i atu ai le lumana’i."
"A ta’ita’i lelei nai fanau i le lumana’i ma aua ne’i mapu le ote ona o le alofa ia o lea lava le tulaga e fa’apea ona tali mai fanau i se itu lelei tele lea."
“Ua tele ina galo le tulaga fo’i lea o le taumafai ai o le olaga o lo’o ua i ai nei e a’oa’i fanau, ae a taumafai lava ia o suiga lelei uma lava e mafai ona maitauina."