Taumafai pea
O le maua ai o le fa’atalatalanoaga ma Va’a Siaosi i le aso ananafi na ia fa’ailoa ai le taugata o le tau o le soifuaga ua i ai nei Samoa.
“E pei o lo’u ia lea iloa i ai le taimi lenei, ua le toe faigofie nei aso, o le uiga o la’u tala e te nofonofo o le afu o lauA susuga o le fia’ai.
Na ia fa’ailoa o le taimi lenei o lo’o galue i se tasi o lona aiga i Vaitele ma o lea o lo’o maua ai se tupe mo ia ma lona aiga.
‘Ia o lea lavale olaga o lo’o ua i ai nei, a le sulu ma le ulu e alu e su’e le galuega e leiloa pe a fa’afefea ona fai le olaga.
‘Ua tatou iloa uma lava ua faigata nei aso, ma ua le toe tulaga mai se itu lelei aua le aga’i luma o le atunu’u.
‘Ia te a’u lava ia, ia o le galuega lava ua i ai o lena lava, e ao lava ona o tatou va’ava’ai i ai, aua le lelei alu i luma ma tulaga fai uma o le atunu’u. Na ia ta’ua ua faigata nei aso ona maua ni galuega.
“Ia e pei ona ou fa’ailoa muamua atu, ia o le fiafia lava o le tagata ia i lana galuega ma fa’amaoni i ai, ua le toe aoga ona toe faitio ma nofonofo.
“O le uiga o la’u tala afai na’o lou faitio ma nofonofo o lona uiga, na o lou fia’ai le mea e maua, ae a o le a lava le galuega ua i ai, ia o le fai fa’alelei lava.
“Ua ese nei aso, e o’o lavai le tau o auaunaga ese’ese ua matua’i faigata lava ona maua se tau o i ai, o le uiga o la’u tala ia fa’apea ona o tatou onosa’i.
‘O a lava suiga ua o’o mai e le toe mafai ona toe fai i ai se isi suiga, ma o se itu lelei tele lea i lo’u iloa i ai, ia o tatou onosa’i ma ia fai mea uma ma le fiafia ia e manuia ai fo’i ma le maua ai se ma’i.