Ua le’o toe faigofie nei aso

Tusia Vatapuia Maiava ma Ilia L Likou ,

125 Hits

Koloseta Tautua, 52 Fagafau/Nu’u.

Koloseta Tautua, 52 Fagafau/Nu’u.

O le talitonuga o le tinā i a Koroseta Tautua o Fagafau i Savai’i ma Nu’u e fa’apea o le tau atia’e ai o  aiga i nei vaitau ua le’o toe faigofie.

“Na o a’u ma le fanau, ia  e to’alua le fanau e faigaluega ma e pau lena o se alagatupe o le aiga o lo’o fesoasoani tele  i le taimi lenei.

“Ia o le ali’i matua, ia e ta’i  lua vaiaso ma maua lona totogi ae o le ali’i laititi ia e ta’i vaiaso, o  lea lava la e  maua ai le fesoasoani mo le suka, fasimoli ma nisi tulaga.

 “A tele lava se tupe maua ia ua ave se tupe e tausi ai le tamā  o lo’o i Savaii.

“O le isi mea e le alofia pea, ia o tatou e fia maua le fesoasoani i le tele o le mau mea i lea aso i lea aso.

“Ia a tau mafaufau atu fo’i se small loan…ia e le gafatia aua o tupe lava vaiaso uma, aemaise ai e ta’i lua vaiaso fa’atoā totogi mai le isi ali’i.

“O le tulaga tau le eletise ma le vai, o lea ua i ai, o le vai e mamao i luma le mea e sau, e oo mai i tua nei ua laititi le sau, aua o lea ua taga’i atu fo’i ua lelei le auala.

“E pau le tulaga o lo’o tilotilo i ai o se fesoasoani mo le tau toe fausia lelei ai o si o matou fale.

“O le soifuaga i le taimi lenei e le’o toe taugofie ua taugata lava mea uma, ia o le matou fale a maua mai le suka ma le mea e maua mai ai sina mea’ai a le aiga ia ua lava lena.

Ua savali nei ma le valu tausaga talu ona nofoia e le aiga o le tinā i a Koroseta i Nu’u.

“Ia e leai ni mea fa’alenu’u i uta nei, na o le lotu lava…ma o le taimi lenei o lo’o tilotilo atu mo le faia ai o se fa’ato’aga e tua i ai le aiga.

“Sa fai le ma’umaga a si a’u fanau i le pito lea e fiu e tōtō, ia manaia foi le toe fai pe ana i ai se fa’alelei palapala.

“Aua e pau le mea o lo’o ola i le taimi lenei o le fa’i.

© Samoa Observer 2016

Developed by Samoa Observer in Apia