Ia ola fiafia lou talavou

Tusia Talimalie Uta ,

68 Hits

Falaniko Usoalii oFasito’o uta.

Falaniko Usoalii oFasito’o uta.

Na maua le fa’atalatalanoaga a le Fofoga o Samoa ma le ali’i o Falaniko Usoali’i o Fasito’o-Uta i le aso ananafi ma ia fa’ailoa ai o le olaga lenei e leai se mea faigata pe a loto i ai.

“Ia o a’u o lo’u lava ia olaga na ola ma tupu a’e i totonu o le nu’u lenei ma e le’i faigofie le taumafai ai pea ina ia faia se suiga o le olaga.

“E le’o se olaga lelei aua e to’atele lava nisi o iloa lea tulaga, ae ua alu alu a’i lava ia o lea lava ua tele le suiga ua i ai nei.

E fa’afefea ona maua ai o lea suiga tele?

“E mo le silafia ai, o a’u i aso la ia e le fiafia tele e alu i polokalame fai aemaise lava i totonu o le lotu ma le nu’u.

“Ae ina ua alu i autalavou i totonu o le ekalesia, e pei o lea se suiga tele ua i ai le olaga nei.

“O se fiafiaga tele lava e o’o mai lava le taimi lenei o lo’o fa’atinoina lava e leai lava se mea o fa’aletonu ai ae  ua na’o le fiafia lava ma fa’afetai.

“I a te a’u lava ia o le mea pito sili ona taua o le taumafai lava e fa’amaoni ma usita’i i matua aua o le taimi lenei o lo’o lelei lava le gasologa o vaega uma.

Na ia fa’ailoa o lo’o sologa lelei lava vaega uma i totonu o Fasito’o-Uta.

“Ia o le olaga lava lea i lenei vaega o le atunu’u e sologa lelei itu uma, ma e filemu fo’i.

“E leai lava se mea e fa’apopoleina ai aua o lea lava le tulaga o lo’o ua i ai nei.

“E pei ona fa’ailoa muamua atu e leai lava se isi ki i le olaga lelei ma le sa’oloto mai le tele o fa’afitauli nai le usita’i matua.

“Aua o i e ala mai ai fa’amanuiaga e tele, ae le gata i lea o le to’aga lea e alu le lotu le aso ma to’aga i polokalame a le autalavou.

“Aua e pei o vaega nei e maua mai ai le isi malosiaga tele aua le aga’i ai luma le lumana’i aemaise o le fa’atinoina o feau o tiute ma galuega ua masani ai.

© Samoa Observer 2016

Developed by Samoa Observer in Apia