Manatu O Le Fa’atonu - “Ou te māmā lava a’u i lenei tuua’iga tau feusua’iga” o le faaaliga lea a le Failautusi o le Ekalesia

By Gatoaitele Savea Sano Malifa 15 May 2016, 12:00AM

O le faaaliga e faapea ua faamuta e le ‘Au-Toeaina o le Ekalesia Faapotopotoga Kerisiano i Samoa (C.C.C.S.) auaunaga  a le Failautusi Aoao o le Ekalesia, o Reverend Dr.Afereti Uili, ma ua aveeseina ana matafaioi aloa’ia uma-ona o se tuuaiga tau feusuaiga na ia faia ma se tamaitai e le o ta’ua lona suafa, o se mea lea e matua faatautala lava-e tusa ai ma sona faaupuga otooto.

O le tuuina mai o lea tala i le taimi o loo tauaofia ai le fono tele faale-tausaga i le nofoaga autu i Malua i lenei vaiaso, e aunoa ma se masalo-o se faafitauli aupito i matuia lea o loo taumafai ta’ita’i o le ekalesia-faapea foi ma ia sui na malaga mamao mai le lalolagi ina ia auai i le latou fono-ia ua una’ia latou te faafeagai ai-i lenei vaiaso.

Poo le a lava, o le faaiuga ina ia motusia le Failautusi aoao mai ona tiute ma ana matafaioi-o se faaiuga lea a le Komiti a le ‘Au-Toeaina a le Ekalesia; ma o lenei tulaga na faamaonia e Reverend Elder, Kerisiano Soti, ma na lomia faasalalau i totonu o le Samoa Observer i le aso 13 o Me 2016.

O le tali atu i lea faaiuga, o Reverend Afereti Uili, e pei ona aliali mai, sa to’ato’a lelei lava. “O lea faaiuga e leai se faavae,” o lana faaaliga lea. “Sa tatau ona latou taumafai muamua e fuafua lelei pe i ai soo se mea moni i totonu o lea tuuaiga, a’o lei faia le latou faaiuga.”

Aisea? Ona, e tusa ai ma Reverend Uili,”e matua lona tulaga e afaina ai a’u ma lo’u aiga.” Ae poo le a lava, e aliali mai e le’i kea le ‘Au Toeaina pe faatali, e ua latou faatino loa le mataupu i lea lava taimi, ma faamalōlō le Failautusi Aoao mai ona tiute mo le lima tausaga.

E pei ona faamatala mai e le Toeaina o Rev Elder Soti: “O le faaiuga o loo uiga o le a tatau i le Ekalesia ona tofi muamua se Failautusi Aoao a’o le’i amataina le latou fono faale-tausaga.“(O le isi ona uiga) o le Komiti lea na te faafoeina faiga faavae ma le amio a tagata faigaluega sa faavae i luga o faamatalaga molimau na tuuina atu i o (latou luma) e uiga i le amio a Reverend Afereti Uili.”

Na ia toe ta’ua: “E ui lava ina teena e Afereti le tuuaiga, ae o le tamaitai na aafia ai na ia faailoa mai ia i matou le tala e ese ai. O le mea lea ua matou tilotilo ai i le ata lautele ma ua maua ai le faaiuga e faapea e leai se tamaitai Samoa na te faia ni mea faapea e aunoa ma se mafuaga.”

Ona o lea ua iloa i le taimi nei e faapea o lea tuuaiga ua avea ma mataupu o le a suesueina e le Faamasinoga, sa faailoa mai e Rev. Elder Soti: “( O lea mataupu ua mae’a ona tuuina atu mo se talanoaga ma o lea talanoaga e le o se talosaga lea a le itu a le teine-ae o le talosaga a le itu a Afereti.”

Na ia faamalamalamaina: “O le uiga o lena mea-o le a avea ma taualumaga faaumiumi ma ua lagona e le ‘Au Toeaina-ua tatau ona matou faia se faaiuga i le taimi nei.”

O le taimi lena na samania ai e le ‘Au Toeaina i la’ua e to’alua o Rev. Uili ma le tamaitai na aafia e faailoa mai a latou vaega o le tala, o le faaaliga lea a Rev. Elder Soti Mulimuli ane, fai mai Rev.Elder Soti, o le taimi lena na tonu ai i le Au Toeaina-e fai le latou faaiuga.

Na ia faamatalaina: “E ui lava ina teena e ia le tuuaiga, ae o le faaiuga ua fai e le Au Toeaina o loo faavae e tusa ai ma o latou lagona i lea tulaga.”

Ona ia faafetaia lea o le sao o Rev. Afereti’ a’o galue o ia mo le ekalesia, fai mai: “Matou te fia faafetai atu ma faailoa atu le galuega na fai e Rev. Afereti i le faagasologa o lona vaitaimi i le avea ma faia’oga, Pule o le Kolisi Faa-faife’au i Malua, ae mulimuli ane avea ma Failautusi Aoao.

“Ae peitai-o nei mea e tutupu i le soifuaga nei.” Ina ua fesiligia sona manatu, fai mai Rev. Uili ua leva ona faailoa atu ia te ia lea faaiuga, ae sa le fiafia i ai. Fai mai a ia: “O la’u finauga e faapenei, E leai sa’u sala.

Ou te le’i faia soo se mea sese.E leai lava se faamaoniga mo nei tuuaiga.” Sa faaauau lana saunoaga ma fai mai:”Ou te le’i faitau lava i le faaiuga a le fono pe o a mafuaga…..ae ou te masalo o loo i ai se mea e uiga i le moliaga e faasaga ia te a’u lea e aafia ai se tamaitai.

“O le faaiuga ua latou faia o loo faavae i luga o lo latou manatu e faapea ua ‘ou agasala- ae ou te matua teena lea tuuaiga, e tusa ai ma lo’u tagata, e leai se mea ua faamaonia.” Fai mai Rev. Uili, o le taimi na fai ai lea tuuaiga, sa ‘ou ole atu i le Komiti a le Au Toeaina ina ia iloiloina ia mea ma le faaeteete aemaise ai ai ona e leai se mea e tasi e moni.

“Ou te matua teena malosi ia mea ae foliga mai ua uma ona fai le latou faaiuga e faavae i luga o lo latou talitonuga e faapea e sa’o tuuaiga ae sese a’u.”Ae mo le mataupu o loo faatali se iloiloga a le faamasinoga i ai, fai mai Rev. Uili e le’i faia se faaiuga i ai.

O loo matou faatali pea,” o lana faaaliga lea. “E le’i faailoa maia lava ia i matou se taimi mo  lea mataupu. Na tolopo mai ia Fepuari ae o lea ua aulia Me ae leai lava se mea ua faia.” Na ia toe ta’ua::

“Out e manatu ua fai e le Au-Toeaina le faaiuga e faavae i luga o le latou matafaioi i le avea ma vaega na te mata’ituina  le amio a le aufaigaluega, ma ua manino mai-o lo latou lagona ua leaga la’u amio, ua ‘ou agasala ma ua talafeagai ona aveese tiute ma matafaioi na tuuina mai ia te a’u.”

Sa faaauau pea lana faaaliga ona faapea mai lea: “E leai so’u manatu e faaalia e uiga i le tagata e tatau ona ia faia ma o le a le taimi. “O le faaiuga o le matafaioi lea a le ‘Au-Toeaina. Ua latou aveese lo’o tofi faa-faife’au  faapea foi ma la’u matafaioi o le Failautusi a le Ekalesia.”

Ae ui o lea, na ia faaalia manino e leai ni ona lagona faaseā i le Ekalesia ma le Komisi a le Au Toeaina, fai mai: “E ui lava ina ua aveeseina a’u mai le ekalesia-ae le faapea ai ua ‘ou inoino i le ekalesia.

“Leai, o le Ekalesia e pule ai Iesu Keriso lea e galue ai le Atua ina ia ‘ausia tagata.” Poo le a lava, na ia toe ta’ua e faapea “o lea faaiuga e leai sona faavae,” ma ioe, “e le talafeagai. Sa tatau ona latou taumafai e fuafua lelei pe o i ai soo se mea moni e tusa ai ma lea tuuaiga muamua, ae lei tuuina mai le latou faaiuga.”

Ma-ona ia toe ta’ua ai lea: “O lea mataupu ua matua tele le afaina ai o a’u ma lo’u aiga.” O le mea moni lena. O lona tulaga e afaina ai e masani ona maoa’e i mataupu faapenei, E matua leai ma se tulaga masalomia.Fai mai Rev. Uili: “E i ai mea ua tutupu i totonu o le ekalesia mai lea taimi i lea taimi ma o faaiuga e fai e tagata mo tagata.

A pa’ia loa tagata, o latou e faia faaiuga e faavae i luga o lemea latou te lagona e sa’o.”Ona ia toe ta’ua lea mo se taimi mulimuli: “O lea faaiuga e le talafeagai ai,” Atonu e sa’o a ia. Ae peitai-ua na o se lalolagi e le o lelei atoatoa o loo tatou nonofo ai i se tasi itu, ma i le avea ma tagata na te iloa lelei le eseesega i le va o le mea sa’o ma le mea sese, e le taumate na ia iloa lelei lava.

Faamata e maliu Iesu Keriso i luga o le satauro pe ana lelei atoatoa le tana ma le fafine ina ia le mafai ai ona la le agasala? I le avea ma faifeau o se ekalesia-e tatau ona ia silafia. Ae peitai-atonu na te le o faitauina nusipepa.

O le mea lea-o le a tatou faailoa atu ai ia te ia. O le aso 24 o Novema 2015, o le ulutala sa i totonu o le Samoa Observer fai mai: “Ua faaalia e se Tamaitai se la mataupu ma se Faife’au o se Ekalesia? 

I lalo o lea ulutala-fai mai le tala: “O se tagata molimau autu i se mataupu e aofia ai le Peresetene o le Faalapotopotoga mo e Puapuagatia a Samoa (S.V.S.G.) ma le isi to’atolu, ua tuua’ia i le faalavelave i le faagasologa o le amiotonu, ua la ioe i se mataupu i se mafutaga ma se faife’au o se ekalesia.”

Ona faaauau ai lava lea: “Ina ua tuuina atu le molimau a se tasi tagata molimau, na faailoa atu e lea tamaitai i le Faamasinoga sa fai le la faanuminumi ma le Faife’au o se Ekalesia ina ia mafai ai ona toe fo’i atu i lona to’alua ona o ni faiga e le lelei na fai ia te ia.”Ina ua fesiligia e le loia pe moni lea tulaga, fai mai a ia” “Ioe (sa fai la ma faanuminumi ma ia).”?

O fea na oulua fai-aiga ai ma le Faife’au o le Ekalesia? 

 “I le fale o le galuega “E faafia ona oulu fai-aiga ma le Faife’au i totonu o le fale o le galuega?”

“E Faalua,” o le faaaliga lea a le tamaitai.

Sa faaauau pea le su’esu’ega. I le faaiuga, na maua e faapea o le faletua o le Faife’au sa taulamua i lea faiga leaga tau feusuaiga, ma o le tasi o loia, faatasi ai ma lona mafaufau ma ona mata i luga o se tagata talavou ua afaina a’o ona faailoa atu i le faamasinoga, fai mai:

“Mo se alii sa i Malua mo le 14 tausaga ma ua faauuina ma ua aga’i atu i lona nuu muamua, sa tilotilo atu ia te oe ma tonu ia te ia ina avatu oe e fai ma ana tama-fai ma fai isi mea ae sa tatau ona ia iloa lelei?”

Ma ona soso’o ai lea ma le aafia ai o matua, ma a’o faapena ona latou faia-sa la teena e faapea o le la tama teina sa aafia i se sootaga tau feusuaiga ma se Faife’au o se Ekalesia. O se taimi lea i le va o le 2011 ma le 2013.

Ina ua fesiligia e le loia pe la te iloa o le la tama teine o loo aafia i se sootaga ma se Faife’au o se Ekalesia, fai mai le tamā: “Leai, ou te le iloa,” “Ae i totonu o lau faamatalaga i Leoleo,” sa faailoa atu i ai, “o loo ta’ua e faapea na e fai atu e te mana’o e fo’ia ma ave i tua le mataupu talu ai ona o se luma lea ma ua tuuina atu ai i le ekalesia se igoa leaga.”

O le tali, fai mai a ia: Ioe-o lea ua ‘ou manatua sa ‘ou fai atu faapena.” “E le o le mafuaga lena ua faalua ai ona faasala ma faate’a oe ma le nuu, muamua-ona ua faaulu e lou afafine se tagi e faasaga i le faletua o se faife’au, ma lona lua-ona o lana faanefunefu ma le (faife’au?) “Ou te le malamalama i le mea o loo e fai mai ai,” o le tali lea a le tamā.

”Ona faaauau ai lea lea o le faamasinoga. Ae ui o lea, o ia mea uma sa fai i le igoa o le Ekalesia a le Atua ma Iesu Keriso i le avea ma Faaola ma Lavea’i.O le mea lea, i le aotelega, o taimi vevesi nei ma le faatiga i totonu o le atunuu o loo faavae i le Atua, lea foi ua faaiogaina, o se Samoa fiafia ua toe se’e i tua. Ae peitai- e le afaina.

Pau lava o le mea e ao ona tatou faia-ia manatua i le mafaufau- e leai se taimi muamua e tusa ai ma lo tatou iloa ua tulai mai ai se faiga leaga mai se sootaga tau feusuaiga  i le va o se Faifeau o se Ekalesia, ma tamaitai talavou lea-a fua i se fua e tasi-o se matua ‘alu’alutoto lava-na te iloa ai le mea lelei mo ia.

Ia, o le a la lona taua, tatou toe mafaufau tasi lava i le mea na faaalia e le loia i le faamasioga ao saunoa ai lea tamaitai i le Faife’au o le Ekalesia i lea taimi. Fai mai lea Tamaitai: “Mo se alii o ia lea sai i Malua mo le 14 tausaga ma ua faau’uina-ma ua aga atu i lona nuu muamua, sa tilotilo atu o ia ia te oe ma tonu ia te ia e ave oe e fai ma ana tama-fai ma fai isi mea ae sa tatau ona ia iloa lelei.?”I le taimi nei la-faailoa mai ia i matou ou manatu.

I le taimi nei –matou te faapea atu i le Ekalesia Faapotopotoga Kerisiano i Samoa-ia manuia tele le Fono Tele a le Ekalesia Faapotopoto Kerisiano i Samoa ma ia avea ma fono aoga faale-tausaga. Ia faamanuia le Atua ia Samoa.

By Gatoaitele Savea Sano Malifa 15 May 2016, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>