Ave le fa’amuamua le fanau
O le manatu fa’alia le tamā ia Su’a Kolio Fatu mai le afioaga o Maninoa Siumu i le lā fa’atalatalanoaga ma le Fofoga o Samoa le aso ananafi, o le itū tāua ina ia ave iai le fa’amuamua a matua o le fanau.
“O le fanau o le lumana’i manuia o aiga, nu’u ma ekalesia. O lana lea tala.
O le tamā e 64 tausaga le matua le soifua ma o lo’o ave lana fa’amuamua le fanua e ala i lons galue lona maumaga.
“E a’o lava ona tatou iloa ma maitau le taua o fanau ina ia ave lava iai le fa’amuamua.
“E ala mai lea i le galue malosi ma ave le fanau le aoga.
“O le fanau foi o le tofi mai e ali’i e tau te tausi ma le fa’amaoni iai. O lea lona manatu le Fofoga o Samoa.
“O le olaga nei ua faigata foi le tausiga o aiga ona o le taugata le soifuaga, a le aunoa ma le galue malosi ma le ola finau e leai se mea lelei e maua.
“O le ala foi lea o lo’u naunua ina ia ola lelei ma ola fiafia le fanau, ia õ le aoga ma ia maua ni lumana’i fiafia.
“E ui le faigata ma le taugata le soifuaga e faia lava le fatu aiga tausi ona o le manatu alofa lava i le olaga o fanau.
Sa fa’alia foi e le tamā e televave lava le alu o le soifuaga e ao ona nofo toto’a le matua i le tausiga le fanau.
“E le aoga se nofonofo ma ola fa’alagolago o le vaitau nei o le ola atina’e lava e faia ai galuega fai.
“O le lumana’i o Samoa o le fanau o lea foi e tulaga e fautuaina ia matua ma le malo ia vaai lelei le fanua.
“O la’u lea foi galuega fai o le tausiga si a’u fanau.
“Ou te nofo na’o a’u uta nei le matou fale e galue le maumaga. Ou te galue i le ono aso le vaiaso i le timu pe lā e faia lava le galuega.
“O le fa’afitauli o lo’o fetaia’i ma a’u nei o le tulaga le vai. E le’o iai se tane vai po o se fesoasoani tau vai o lo’o maua e matou ua na’o le vai o lo’o faafesagai ma matou o la’u galuega tele la lea i aso uma o le asuina mai lea o le vai aua mea e moomia mo lo’u aiga.
O le talosaga la a le tama tauala atu i le Fofoga o Samoa o lo’o pagatia lava i le sailia lea o se latou tane vai ina ia sefe mai ai le roe fealuai mai ai o ia i le asuina o le vai.
“U ao tatou iloa uma lava o le suavai o le ola lea o soo se tagata soifua uma, ma e faapena foi lo’u naunautaiga ina ia maua se matou tane vai e faafaigofie ai matou galuega faigata o lo’o faia pea i aso uma.