Sili le atia’e o aiga i nuu i tua, e maua ai le filemu

Tusia Seia Soloi ,

94 Hits

Apelu Peni, 40 tausaga le matua ma ii Tiãvi.

Apelu Peni, 40 tausaga le matua ma ii Tiãvi. (Photo: Sei’a Soloi)

O le mau faaalia lea a le tama ia Apelu Peni, 40 tausaga le matua ma ii Tiãvi o ia o se fai faatoaga o lo’o atina’eina lona aiga ma o lo’o faalagolago malosi iai lona aiga e ala i le tautuaina o matua ma le tausiga o fanau.

E nonofo ma lona toalua ma lana fanau e toatolu ma matua a lona toalua i lo latou aiga ma o ia o le faamoemoega atoa i feau ma galuega a lona aiga i aso uma.

“E leai sa’u galuega out e nofo aiga e tausi lo’u aiga ma o a’u o lo’o gafa ma mea uma i totonu o le aiga, o le faatoaga la lea o lo’o faalagolago iai lo matou aiga mo le ola ai i aso uma” o lana tala lea i le Fofoga o Samoa.

“Pau lea o le alaga tupe o lo’o faamoemoe iai lo maou aiga na’o le faatoaga o talo e faatau i le maketi e maua ai lava la’u $500tala i le vaiaso, ua lava lea ma totoe mo lona aiga.

Pau le tulaga o lo’o faamuamua e le tama o le totogi ina lea o pili o le suavai ma le eletiese, aua e leai seisi o lana fanau o ao’oga i le taimi nei.

“O le tupe maua la lea e fesoasoani ai i lo matou aiga ua fai ai se faatauga i se faaiuga o se vaiaso o le tupe e totoe ai ua sefe lea mo leisi vaiaso ma ona fuafuaga.

Na ta’ua foi e le tama ia Apelu le eseesega o le aumau a ii Apia ma nuu i tua.

“O Apia tele faalavelave tutupu mai ai, ua toatele foi ona tagata faitauina ma faatupuaupulaia le ea e manavaina e le toatele o tagata aemaise ua le maua ai se saogalemu i totonu o aiga ma fanau.

“Ua sili atu ai iinei, saogalemu le fanau leai ni faalavelave e tutupu mai ai aemaise ai o le tele o fanua e atia’e ai lava aiga ma a latou fuafuaga aemaise ai le ea malu o lo’o manavaina e le matou aiga i aso uma.

O le naunautaiga o le tama ina ia faatupuina pea lona malosi e galue a ii lana faatoaga aua na’o le pau lava lea o le alaga tupe o lo’o faamoemoe iai lona aiga i mea e fai.

© Samoa Observer 2016

Developed by Samoa Observer in Apia