E eseese lava tagata ma a latou auala e tali atu ai I le taugata o le soifuaga.

Ae mo le tama ia Pati Fa’atiau, 54-tausaga le matua mai Vaitele tai o le mea sili lava o le ola I le olaga faigofie ma le fiafia

“Ua leva ona matou nonofo ma lo’u toalua ma la’u fanau iinei ma o loo atia’e lava mea o lo’o maua I le fanua” o lana tala lea I le Fofoga o Samoa

“E ese le faigofie o lo’u aiga aua na’o le toatasi lava lo’u afafine o lo’o aoga I le taimi nei”

E leai se galuega a le Tama ia Pati I le taimi nei pau le tulaga o lo’o maua mai ai le latou tupe maua, o le faatoaga ma le toga laau aina.

“E faatau mea ua maua I le togalaau aina e pei o tamato, kapisi ma isi o le tupe ua maua e ave lea mo le pili aoga a le afafine, o nisi aso ua lelei ao nisi aso ua le tutusa foi”

O le faamuamua a le tama ia Pati o lana fanau mulia’I mai ai faalavelave fa’ale aiga.

“O mea fai a le nuu ma le ekalesia e tele ina alu ai le tele o matou tupe o loo maua nei”

“E taugata le soifuaga” o lana tala lea

Ae n ate talitonu e faapena lava le olaga e leai se mea e maua ma se filemu tatou te le mafia foi ona aloese mai ai.

O nisi aiga I totonu o Samoa ua tuinanau I le manao ia tele le o’a ma le tamaoaiga ae mo le aiga o Pati, o mea lava ua maua o lena lava aua le tausiga o lona aiga.

“A ola faigofie lava ua lava lena ma totoe”

O le saogalemu leisi vaega taua I le siosiomaga o Pati ma lona aiga I lo latou nonofo ai

“Tele faalavelave na tutupu mai I isi tausaga ua mavae pei o taavale lavevea ma vevesiga a aiga, e tatau foi ona puipui matou ia I lo matou saogalemu nei lamatia se ola aemaise le fanau”

O lana feau taua “ O le ola I se olaga faigofie e maua ai foi mea uma ma le faigogie ae a ova tele foi ua faigata foi I le Aiga ona sailia mea e manaomia mo le ola I aso uma”