O le soifuaga I Savaii o se faifeau talai
Na faailoa e le talavou ia Tito Aii’i 23 tausaga le matua I le soifua mai le nuu o Safotu ma Malifa I le fofoga o Samoa i le aso ananafi ni naunautaiga o lona talavou ma le tele lava o le suiga le olaga o loo iai nei le motu tele o Savaii ma nei i Upolu.
“Ou te nofo I Savaii ae talu na uma mai la’u misiona ma ou vaai ai le tulaga vaivai si o’u aiga ma ua oo mai lea e nofo nei Upolu aua lava se sailiga manuia mo aiga.
“O la’u maitau lava, e fai ma masani I tagata Savaii le omai nei i Upolu ona o le taualaga i Apia ma tele foi o mau I le tele o avanoa faigaluega.
I le olaga lava ia I Savaii e filemu ma ola saoloto ae tasi lava le fili o le faigata o le sailiga o le seleni. Pei foi ona ou fai atu e eseese lava le olaga I Savaii ma I nei. E moi e iai faatoaga ma fualaauaina e faatau ae o le tupe maua e le lava mo le tausiga le aiga, mea fai le nuu ae maise foi faalavelave le maalofia.
“Ou te faailoa mama atu lava o le tau le soifuaga ua taugata lava ae maise lava I totonu si o’u aiga aua ma le toa valu (8) e na’o le toa lua (2) lava e faigaluega mo le aiga.
Sa ia faailoa foi o le tupe lava le ola o tagata. Ua tupe mea uma lava.
Sa fesiligia e le Fofoga o Samoa le talavou i sana faalaeiau e tusa ai ma le galuega sa ia feagai ai o le Misiona, ae sa ia faapea e leai se isi galuega sili nai o le talaina le finagalo le Atua.
“O se a’oa’oga sili na taua na ou maua mai l galuega ole ola tu toatasi, iloa ona tali atu I faafitauli le olaga ma avea a’u e fai ma faataitaiga i isi tupulaga talavou. Sa mafai foi ona ou maua mai se feau taua o le galue ma a’oa’ao e avea ma taitai I totonu o aiga.
“O ia feau taua ua mafai ai foi ona maua ni manatu lelei e su’e se galuega I Apia ae le gata I lea o se avanoa out e alu ai I Niu Sila taua lava le tausiga o le aiga.
“I lo’u lava ia iloa, tele o tamaiti ua uma mai misiona e iai lava le filifiliga e tautua mo aiga pe leai, ae o out e faafetai lava ona o ni manatu lelei ua ou maua out e tautua aua se lelei o lo’u aiga.
“E taua tele le avea o a’u ma ave feau le Tama oi le Lagi ua mafai ai foi ona ia tali mai e tusa lava ma faafitauli o loo fegai nei ma si o’u aiga I Savaii.