Faataua le Alofa

Tusia Seia Soloi ,

201 Hits

Sili lou alofa I lou Aiga : Iosefo Tuivanu

Sili lou alofa I lou Aiga : Iosefo Tuivanu

Ia faia mea uma ma le alofa o le auala lenā o mea lelei uma mo le aiga I le lumanai

O le talitonuga lea o le taule’ale’a i ā Iosefo Tuivanu,18 -tausaga le matua mai le afioaga o Nuu-Fou

I se faatalatalanoaga ma le Fofoga o Samoa I le aso ananafi e lua mea o lo’o ave ai le faamamafa a le alii nei

“O lo’u alofa I lo’u aiga ma lo’u olaga” o lana tala lea I le Fofoga o Samoa

“Na I’u la’u aoga I le Vasega 13 I le 2014, ma na tonu ai I lo’u mafaufau e sili lo’u nofo e fesoasoani I o’u matua aua e ausage lava si a matou aiga”

O lo’o nonofo faatasi nei Iosefo ma ona matua I lo latou aiga I Nuu-Fou ma ona uso ma tuafafine e toafa, o ia lava le ulumatua o le fanau e toalima

“E leai seisi o o’u matua e faigaluega ae o le galuega lava a lo’u tama o loo faia nei o loo faamoemoe iai lo matou aiga, o le kamuta”

“E $450tala lana tupe maua mai I le 2vaiaso pea lelei lena o sana galuega ae a faaletonu pe tau leai sana galuega I lena vaiaso na’o le $150tala lana tupe maua”

“E le gafatia e le totogi o lo’u tama mo a matou mea e fai I le vaiaso” o lana tala lea

O le faatoaga ma le togalaau aina o le tasi lea o tupe maua pito sili ona vave mo ia ma lona iaga

“E faatau fua o le faatoaga ma fualaau aina aua se matou tupe mo le vaiaso, aua o le totogi o si o’u tama ua faaagaga lea mo pili aoga a nisi o le fanau o loo ao’oga”

Tau’a e Iosefo le taugata o le soifuaga ua iai nei ua le toe taugofie pea faatusatusa atu ia ia ma lona aiga, aua na’o lona tama o loo maua mai ai se latou tupe aua mea fai a le aiga

Faimai Iosefo “ e le faigofie le olaga e faigata ae a moni lou alofa I lou aiga, e faatupuina lava lou malosi e te galue ai mo lou aiga|”

Po o le a le faigata o le olaga, ae vaaia lava e Iosefo le galue punoua’i o ona matua aua le tausiga o le aiga

“E iai nisi o taimi e ootia ai le loto pea vaai atu I mea o loo faia e matua, o le mamafa o galuega aemaise le saiiga lea o se tupe mo meaai I lea aso ma lea aso”

Na ia faailoa mai foi o loo tau sailiili lava sana galuega i le taimi nei ia fesoasoani ai mo lona aiga aemaise o ia mo le lumanai.

“A faapea a o lea le galuega ua maua ia o lena lava ma o le a tuu uma iai lo’u malosi aua lo’u aiga”

Ua avea le Tama o Pati ma faataitaiga ia te ia ma lona olaga, aua e galue malosi toe le faalogologo tiga

“O leisi a’u miti lea mo le lumanai ia avea au ma kamuta pei o lo’u tama”

“Out e galue malosi mo lo’u aiga ma so’u foi ia lumanai manuia e le gata o a’u lea e matua ae ia avea foi au ma faataitaiga I nai o’u uso ma tuafafine laiti mo le lumanai” 

© Samoa Observer 2016

Developed by Samoa Observer in Apia