E telē le sao o Ekalesia

By Ulimasao Fata 14 October 2017, 12:00AM

O le talitonuga o le  Ioane Setefano o Le’auva’a e o totonu o ekalesia e maua ai le mafutaga vavalata ma mafanafana.

I le maua ai o le fa’atalatalanoaga ma le Fofoga o Samoa i le aso ananafi na ia fa’ailoa ai le lelei ai pea o le una’i  o tupulaga I fale o faife’au.

“Ia e tau mai nei o a’u sa o’u i gatai i le galuega o la matou autalavou o lo’o fai ai mo le fa’aleleia ai lea o le falesa.

“Aua le fa’amoemoe o si o matou ekalesia, ia o lo’u ia iloa i ai, e i ai lava vaega e pei o le lotu a e fiafia lava e te alu ai e te fa’alogoina lava lou fiafia.

Na ia ta’ua o se itu lelei tele lea mo le aga’i ai le lumana’i.

“Ia o le uiga o la’u tala, e pei o le aiga lava e amata mai ai le olaga ia ona soso’o mai ai lea ma le lotu.

“Aua o lo’u ia iloa i ai, o tulaga nei e mafai ona fesoasoani tele mo le aga’i atu ai le lumanai.

“E leai lava se mea e faigata pe a o tatou loto lava i ai, o a fo’i fa’afitauli ia e pei e manaia lava le alu i gatai e ataata ai i galuega galo foi lea o le fa’atalatala latou.

“O le olaga lenei o le taumafai lava i le mea e o’o ai le malosi.

Na ia fa’ailoa o lo’o sologa lelei mea uma i totonu o si o latou afio’aga.

“Ia o lea lava le tulaga o lo’o i ai nei, ma e talitonu le agaga o lo’o solosolo lelei mea uma i totonu o si o tatou atunu’u.

“O le taimi lenei ia o lo’o i ai lava sina fa’ato’aga o lo’o fai ma tua ai le taimi lenei.

“O lea lava le tulaga o lo’o i ai o le taumafai lava ia i’u ma le manuia o so’o se taumafaiga o lo’o ua tatou I ai nei.

“Ia ma manuia atu ai ma aiga.

By Ulimasao Fata 14 October 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>