E le’o toe faigofie nei aso – Sio Mika

Tusia Vatapuia Maiava ma Ilia L Likou ,

270 Hits

La’au o lo’o tau aoaoina e le tamā i a Sio Mika Vaifale o Vailele-Uta mo le tau fausia ai o lona fale

La’au o lo’o tau aoaoina e le tamā i a Sio Mika Vaifale o Vailele-Uta mo le tau fausia ai o lona fale (Photo: Misiona Simo)

“Masalo le tau o le soifuaga ua lē gafatia i le selau talā i lenei vaitau,”Sio Mika Vaifale o Vailele-Uta.

“E le’o toe faigofie nei aso.

I le fesiligia ai o le tamā i le tulaga o lo’o i ai le aiga i le taimi lenei na ia fa’ailoa e leai se isi o faigaluega aua le tausiga o le aiga.

“O le taimi lenei o lo’o fia maua lava se fesoasoani mo si o’u aiga, e  leai se isi o faigaluega o lea e tau atia’e lo’u aiga.

Ona o le le a’ua’u o le fa’asoa a le tamā aua le tausiga o le fanau e to’aono o lo’o a’o’oga uma -  “E fia maua sa’u tane suavai, o lea tau aoao mai nai laupapa aua le tau faiga o se fale o lo’u aiga, ma nisi lava mea e tausi ai.

“O le taimi lenei ua vaivai le tala o le seleni, o lea fa’atoā tau faifai nai mea tōtō mo le aiga ma le fanau, aua e le faapea e tōtō atu loa maua mai.

“E le gata i lea e tau tali ai le pagatia o lo’o i ai le aiga lenei.

“O le aiga o lo’o tau fa’amautū lava,  e leai ni mea e nonofo ai, ia e tofē i  lalo le mea e aumai ai le vai ma fai ai fa’ato’aga.

“O le vai e la’u mai le vanimonimo , o  sina tane vai o lo’o fia maua ai  se fesoasoani…o si o matou fale, e leai ni apa, na o fasi laupapa lea e tau taetae mai.

O lona lava ia silafia ua si’isi’i i luga le tau o le soifuaga.

“A le alu su’e se afe i le lua afe talā, fa’atoā tau maua mai lea o se fesoasoani mo le aiga, o le malosi lava lea e fa’atino ai le tausiga o le aiga, ma nai seleni o lo’o maua mo le faiga  o galuega a isi tagata lea e taumafai ai lava nai ia mea i le taimi lenei.

“O le taimi lenei o a’u ou te galue mo isi tagata, o lo’u malosi lava lea e tausi ai si o’u aiga, e to’aono si a’u.

O lo’o a’o’oga uma le fanau e to’aono a le tamā ma na ia fa’ailoa nisi o fa’afitauli o lo’o feagai ai nei. “Ia e  totogi resitala,  e fai mea aoga, sa ou faapea ai e sa’o tala a le malo e le kokogia gi kupe.

“Na ou fiafia fa’apea e aooga fua, na o tupe e avatu e ita e fai ai le aoga, ae o le mea lea e fai ia ua toe tausi atu ai ma faiaoga le taimi lenei.

© Samoa Observer 2016

Developed by Samoa Observer in Apia