Taimi o le Mitamita mo se atalii o Samoa

283 Hits

MALO LAVA LE TAUMAFAI: Fa’alemigao Madalena Tupua, Tosimae’a Tupua, Fa’asulu Merrimay Tupua, Fea’isili Tupua ma  Wilberforce Suaga-a-le-Va’atele Tupua.

MALO LAVA LE TAUMAFAI: Fa’alemigao Madalena Tupua, Tosimae’a Tupua, Fa’asulu Merrimay Tupua, Fea’isili Tupua ma Wilberforce Suaga-a-le-Va’atele Tupua.

O le Tusitala muamua o le Televise Samoa ma le Leitio Polenesia, o Tosimae’a Tupua, ua na faia se suiga manuia o lona olaga galue, ina ua faau’uina ma se Tikeri Loia a Ausetalia ma ua talia i totonu o se vaega taualoa o loia i totonu o Melepone. Ina ua mae’a ona faauuina mai le Iunivesite o Tasmania, na talia o ia i totonu o se tasi o kamupani loia tulaga maualuga i Ausetalia ma o le a vave ai ona talia e avea ma Loia mo faamasinoga ma Loia Faufautua a le Faamasinoga Maualuga i Victoria, Ausetalia. 

O lona faamoemoe ia avea o ia ma loia faapitoa i mea tau fefaatauaiga ma le tulafono a le lalolagi.

 “Sa ‘ou galue i le lalolagi e avea ma tusitala o tala fou ma ou te faamoemoe e faaauau pea la’u taleni faatasi ai ma se vaaiga mo le lalolagi atoa, ae i le taimi nei-o  le tulafono,” o le faaaliga lea a Mr. Tupua. 

 “Sa tumau pea la’u miti i taimi uma e fia avea ma loia ma ina uma le a’oga ma faigaluega e avea ma tagata e faia polokalame i le televise i totonu o Saina, ma Sasa’e Tutotonu, sa mana’o lo’u to’alua o Moneka Knight e fia alu i lona aiga i Tasmania. 

 “Na matou toe taliu atu ma le ma fanau teina o Faalemigao ma Faasulualeto’elau ma amata loa ona fai lo’u Tikeri Faa-Loia i le Iunivesite o Tasamania.

 “Ou te fia galue e fai so’u sao i le tuputupu a’e ma atiina a’e o Samoa. Ua i ai foi lo’u Gruduate Diploma i le Tulafono a Saina mai le Iunivesite o Hong Kong, lea sa aoaoina faapitoa ai o ia i fesootaiga a Saina ma le tulafono tau fefaatauaiga, le tulafono a Saina i Meatotino a Tagata Taitoatasi ma le faiga faale-tulafono a Saina. “O loo faatinoa e Saina se galuega e matua taua tele i totonu o Samoa ma ou te faamoemoe e faaaoga lo’u iloa ma le poto masani, ma le nofo i Sina ma galue ai, e faamalosia atili ai le faiga-uo lelei i le va o atunuu e lua.” Fai mai Mr. Tupua o se tasi o mea sili o lona taimi i le Iunivesite o Tasmania –lona talimalo lea i sui usufono o le palemene mai Atumotu o le Pasefika e avea ma vaega  o le sosaiete a loia o le iunivesite.

“O le atiina a’e o nei sootaga i le va o Samoa ma Ausetalia ua avea lea ma faaaloalo. Sa ‘ou faafeiloa’ia le Fofoga Fetalai o le Maota Fono o Samoa, le Sui Palemia ma Minisita autu i le tele o sauniga i totonu o Ausetalia, ma le faamalosia o a tatou taualumaga faa-palemene –o se taumafaiga lea e matua aoga tele,” o lana faaaliga lea. Sa filifilia foi o ia e galulue faatasi ma le Federal Court a Ausetalia i le Polokalame o le Pacific Island Judicial Development.O le faamoemoe ia faamalosi le pulega faale-tulafono i totonu o le Pasefika i Saute ma ia tuuina atu fautuaga e mautinoa ai ua avanoa tagata uma i faiga faale-tulafono.

© Samoa Observer 2016

Developed by Samoa Observer in Apia