Mana’omia e le tina se to’oto’o

By Aruna Lolani 14 June 2017, 12:00AM

O le aso ananafi na maua ai le fa’atalatalanoaga a le Fofoga o Samoa ma Kueni Lomaga o Lalomauga ma Falevao. 

“Ou te  iloa lava e a’u ia o le olaga o lo’o ua i ai nei,ua fai lava sina faigata ma o lo’o taumafai lava i le mafai e atia’e. 

“O se itu ou te matua’i lagona lava a’u ia e ao lava ona ou fa’atinoina mo le lelei o si o’u aiga aemaise o matua o lo’o fa’atali mai aiga. 

 “Ia e le’o fa’atinoina lava ni galuega ona o se isi itu, ia o le mea masani lava – o le tausiaina lava o aiga. 

“O a’u lava sa gafa ma le maumaga i gauta aua le tausiga le fanau ma matua. 

 “E le fa’aitiitia le taua o vaega nei aua lava le tausiaina o aiga aua e pei o lea le tulaga o lo’o ua tatou i ai nei le to’atele o nai o tatou tagata. 

“Ma o se tulaga lelei tele. 

“E ui lava ina ua o tatou molimauina le faigata o le tulaga e pei ona ua i ai nei, a u’u le selau tala na’o sina lua minute lava uma, ae ao lava ona fai ma le poto mea uma. 

 “O le taumafaiga ai e atia’e aiga o lea le tulaga e pito sili ona lelei ma e ao fo’i ona fa’amuamua i taimi uma. 

Na ia fa’ailoa o le galuega i le maumaga o se galuega taua ae peitai ina ua leaga lona vae ua avea lea ma fa’afitauli leaga tele. 

  “Ia e misia lava le alu gauta le maumaga, ae leai se isi mea e mafai ai ona ou lagolago a’u i lo’u aiga, aua ua ou ma’i nei ma ua ou le toe alu ai le maumaga. 

 “O le uiga o la’u tala o le a le lelava ma le faigata ia e taumafai lava e galue. 

“Ia e pei fo’i la ona outou pasi mai ai luma , ia o lo’o o’u galue lava. 

 “O le itu mautinoa a le mafai ona e alu e te faigaluega  e leiloa le mea e i’u i ai le olaga. 

 “Ia ua ese la aso ma aso nei, o aso nei ua tupe mea uma – o le itu lea e ao ai lava ona fa’aaoga tatau le malosi. 

“Ia pau lava le tulaga ia maua mai nai to’oto’o ia e mafai ai lava ona ou alu le maumaga. 

“Ou te mana’omia lava le alu gauta e galuega. 

By Aruna Lolani 14 June 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>