Mo a tatou tusitala talavou, faaaoga ma le poto a outou taleni e fausia ai

Tusia Gatoaitele Savea Sano Malifa ma Faaliliu e Seagaitumua Tupuola ,

162 Hits

Mo a tatou tusitala talavou, faaaoga ma le poto a outou taleni e fausia ai, ae le o le faatama’ia ai

O le Tauvaga o Tala Pupu'u a le Samoa Observer mo le tausaga 2015-2016 na faauma aloa'ia i se sauniga o le tufatufaina o faailoga i le taeao ananafi. 

O lea sauniga sa faatinoina i le fale fono o le Iunivesite Aoao o Samoa, ma o lea sauniga sa auai malo faaaloalogia, le Amapasa o Saina o Wang Xuefega  ma lona Faletua o Tong Xin, o matua ma uo; o le tusitala o se tasi lea o e na saunoa. 

O lana saunoaga lenei:

Talofa ma e molimoli atu o’u alofaaga ia te outou uma lava! O le a amata sa’u upu i lo’u fai atua e fai ma sui o le Samoa Observer ma lana aufaigaluega, ua ‘ou fiafia lava e molimoli atu o matou faamalo i tamaiti a’oga uma lava, ia sa auai i lenei Tauvaga o Tusiga Tala Pupuu  o lenei tausaga. 

 O le itu faapitoa lava,  Ou te fiafia e faailoa atu e faapea atu o tagata uma lava e manaumalo e tatau ona tuuina atu i ai se faailoga faapita o le faafetai, mo a latou taumafaiga.E momoli atu le faamalo ia te outou uma lava. 

Ae mo le vaega o totoe ai, ia ‘aua nei outou faanoanoe. Ae, ia amata loa lava i le asŏ-ona outou galulue i na tala ma a’o faapea ona outou faia, ia outou faia se tautoga ia te outou lava, e faapea o le tausaga o i luma-o lo outou taimi lea. 

Matou te fia momoli atu foi le faafetai tele i matua o ia tamaiti a’oga uma, ona o le faa-avanoaina o alo e e auai i le aoga, talu ai-ona pau lena o le nofoaga e lu’i ai latou e le agaga o le tauivi ina ia ‘ausia le mea lelei, ia sili atu.

E ala i se faiga otooto, e 550 tusitala talavou na tuuina mai a latou tala pupuu mo le tauvaga, ma mai lena aofaiga, e 50 o le a tuuina atu i ai faailoga i lenei taeao.  

O le mea lea-alo mai tatou te faamanatu faatasi. Tatou faamanatu le sa’olotoga e tautala ai, sa’olotoga tau mafaufauga, ma le sa’olotoga o le mafaufau. 

Ia tatou faatinoina lea tulaga faatasi ai ma o tatou mafaufau ua tatala, ia iloa lelei e faapea i soo se tauvaga o lenei ituaiga, e le manumalo uma i latou na auai i ni faailoga

Ae peitai, ua na o nisi lava o le a maua o latou faailoga. 

Ae peitai-e le tatau ona avea lena ma mafuaga e faavaivai ai isi, pe loto vaivai ai. Ae o le taimi lenei e tatau ai ona latou lagona le lotomau e sili atu ina ia maua ai lea faailoga, pe a aulia le tauvaga o le tausaga fou.

O le mea moni, e mafai ona latou faia lenei mea pe a manatua i le mafaufau e faapea o le fuafuaga na o latou faia ina ia fai se taumafaiga e tusi ai ia tala i le taimi muamua, ma tuuina mai ia tala i le tauvaga, o le faaaliga moni lea -o loo i ai  le meaalofa faa-tusitala ia i latou Ma ona pau lava o le mea e tatau ona latou taia i le taimi nei, o le putiputi lea o lea meaalofa e ala i le faaauau pea ona faitau tala i soo se ituaiga o tusi, i nusipepa ma mekasina, faatasi ai ma le faamoemoe ia faate’i le tulaga manatunatu i lo latou mafaufau, ma o le taimi lena e una’ia ai latou ina ia tulai pea i luma ma ia mafaufau faa-tauvaga.

Ma a tupu mai lena mea, ma ae latou te le’i i loa, e faapea o le meaalofa faa-tusitala lea ua ia i latou, o le a avea foi ma tauvaga-e pei ona matou iloa o le a faapena.. I se tasi faaupuga, e le tatau ona latou fiu.  

Ou te ta’utino atu ia te outou e faapea o le taimi lava e noatia ai latou e le meaalofa e igoa o le upu tusitusiga, e leai lava se isi na te mafai ona taofia i latou mai le galueaiina o ituaiga o tala- ia e faatau osofia ai ma una’ia ai

O le mea moni, o loo i ai i latou ua matua manino lava lo latou tula’i mai, o lona uiga-o le a latou maua faailoga.

Ma i lea lava taimi e tasi. e tatau ona latou iloa i o latou mafaufau e faapea ua matua noatia i latou e faaaoga le upu tusitusia ma le poto, ina ia fausia ai ma faia, a e le matamuli ma le fefe gofie. Ae mo outou lava ia. o a tatou tusitala talavou o loo potopoto iinei i lenei taeao-ou te faailoa atu ia te outou si mea moni itiiti lenei o loo tumau pea i lo’u mafaufau.

O le a faaauau pea ona faamanatu mai e faapea o tagata uma lava-poo le toetoe lava o tagata uma-talu ai ona o nei tulaga faatiga e le ma’alofia ie e ono to’ulu mai ia i tatou i le faagasologa o le ala-o le fanau mai ma le meaalofa, o se taleni lea.

I se taimi lata mai poo se taimi mulimuli ane ai, o lea taleni o le a na faailoa atu o ia lava, ae mo outou uma o loo potopoto iinei i lenei taeaao, atonu ua uma ona outou silafia e faapea o lau taleni o le tusitusi.

I se tasi faaupuga, o lau taleni o le upu tusitusia. O lou outou tiute la, o le faaauau pea lava ona faaleleia lea taleni ua ia te outou e ala i le faitauina o soo se tusitusiga e mafai ona outou maua, ma o le faagasologa o le ala o le a e maua ai e faapea e matua anoano le tele o isi mea i lenei lalolagi i lo mea na e iloa muamua. 

I le tasi faaupuga, o se lagolagi e matua tumu i mafaufauga uiga ese, ina mafai ai e outou mafaufau tau ati a’e -ona filifili ituaiga o avanoa, o nisi e manaia ae o isi e matua faatosina lava ma o le mea moni lava e ono mafai ona matua tete’e m ai -ma o le taimi tonu lena e manino ai i lou mafaufau e faapea o lou tiute i le taimi nei o le filifili lelei.

O le a tataou lona ona e talia le mea e te talitonu e te manunia ai ma lou aiga, ma lafoa’i le mea e te talitonu e leai se mea e te maua ai se’ia vagana ai le faatiga. Ma o lea la, a mae’a loa ona e pulea lelei sina mea faaletonu itiiti, o le taimi lena e fanau mai ai lau taleni, ma ua avea oe ma tagata tusitusi. Ae na o le tasi lava le tulafono.

Ia teu i lou mafaufau e faapea o lau taleni-o le Upu-e le mafai ona mate, ma o taimi uma lava e te ola ai i totonu o lenei parataiso itiiti o i tatou, o lou tiute o le faaaoga tatau e fausia ai, ma ia ‘aua lava nei faatama’ia. 

Ia outou manuia.

 I le taimi nei la mo tatou faamasino, matou te faafetai atu ia te outou. Matou te tautino atu e faapea o lenei tauvaga e le mafai ona ma manuia i le asŏ,pe ana le seanoa la outou lagolago mai. 

Ia matou paaga,  Samoa Stationery and Books, Eveni, Bluesky ma le Amapasa a Saina, matou te faafetai tele atu mo lo outou agalelei, lagolago e le mavae-ma o le matou toe upu- “Faafetai Tele Lava.

 


 

 


© Samoa Observer 2016

Developed by Samoa Observer in Apia