O LE MAU A PULE-THE MAU MOVEMENT 1926-1946

146 Hits

Tapena ma Tuufaatasi e Fuimaono Na’oia Faasavalu Touli F. Tupua mo le Samoa Observer.

I le lauiliuina o isi ana gaoioiga i soo se ituaiga o mea na tutupu mai-mafaufau pe o le a le vaai a se tamaitiiti i ia mea, taumafai e mafaufau i le mea o le a fai e se tamaitiiti(ma se tamaitiiti e leaga ona fai), ma afai la e mafai ona e tuuina atu oe i le tulaga o lea tamaitiiti-o le a mafai ona e mate’ia ma le sa’o atoatoa-le faiga o le a fai e se tagata Samoa.

E tatau ona ta’utino atu-e faapea o i latou e pele ia i latou tamaiti-o loo i ai se mea uiga ese e uiga i se tagata Samoa-e ui lava i mea ua na le mafai ona fai.

E matua moni ma faamaoni lenei mea i tupulaga talavou-ma nisi lava o isi o tamalii ua matutua-ia o loo tausi pea i lo latou tulaga faigofie-ae a o’o foi ina maua se alii matua i le manatu e faapea- o le faatautala ma le popole lea o loo fai ma faailoga vaaia ia i latou uma-ona sili ai lea ona lelei pe a ‘alofia o ia-se’ia vagana ai taimi o sauniga e tatau ai, ma tuu atu o ia i lona lava aiga.

E pei foi o tamaiti-e mafai ona ta’ita’ina tagata Samoa-ae faigofie lava ona avea i latou ma mailei a ta’ita’i tau faasese, e pei o tamaiti e leaga ona fai- e faigofie lava ona avea i latou ma tagata amioleaga, ae ua latou nofo sauni i taimi uma mo le faasalaina- ma e le mafai ona malamalama pe afai latou te le maua lea mea.

O le uiga faailoga-tagata maoa’e o Aleni, lea e nonoa faatasi ma le faatauemu mo se aganuu ua leva, ua le maua ai se avanoa mo ni feutanaiga ma ni talanoaga.

O le Mau-fai mai a ia-e matua leai lava ni ona sini faamoemoeina.

“O lo latou faatuatua ia Nelesoni- e matua uiga ese lava, ae le o se mea lea e tatau ai, ma o se faata’ita’iga lea o le uiga faa-tamaitiiti o le mafaufau o se tagata Samoa, lea e mafai ona talitonu ia Nelesoni-ae o lea latou te iloa lelei lava- le tulaga faaletonu o lea loto faatuatua.”

Ona pau lava le faiga e mafai ai ona pulea le Mau-o se faiga mautu lea.

“O le tagata Samoa-o se alii lea e matua papa’u lona iloa……. Na toe taliu atu Aleni i le nofoaga e le o toe vaaia- o Morrinsville-ma i le faagasologa o le Taua Lona Lua o le Lalolagi-sa maua ai sana galuega.

I le 1964-na fasiotia ai o ia i se faalavelave tau taavale. O le pulega fou o Samoa- o se fitafita ua malolo ma o se loia a le atunuu mai Masterton, o General (:Burt” poo, “Steve” ae faaigoa e ana uo) o Hart. I le matua e fasefulu ma le iva tausaga-sa avea o ia ma ofisa pule aloa’ia o Samoa. Sa ia te ia ni faamaumauga uiga ese tau fitafita.

O le sefulu ma le fitu o ona tausaga na saini ai mo galuega faa-fitafita mo le Anglo-Boer War i le faaiuga o le senituri- ona toe taliu ane ai lea i Niu Sila ma aoaoina ai e avea ma loia. Sa mulimuli ane ona faatu lona ofisa loia i lona nuu na fanau ai o Carterton, o se nuu itiiti lea i Wairarapa e latalata i Greytown, o le nuu lea o le pule talu ai o Samoa- o Colonel Tate.

I le faagasologa o le Taua Muamua o le Lalolagi-na ia vaaia ai se gaoioiga tele a Niu Sila i Gallipoli, Aikupito ma Farane-ma na matua manu’a leaga i se tasi o taua-ma toe mu ai i le kasa i le isi taimi.

O le 1917 na avea ai o ia ma Ta’ita’i ‘Au e sili ona talavou i totonu o vaega’au a Peretania Tele. O lona auai maoa’e i taimi o taua-o le pu’eina lea o le Aai e si’omia e Aupa o Le Quesnoy, I le fa aso i luma atu ae uma loa le Taua.

I se gaoioiga na siitia mai faamaumau o le tala faasolopito o fitafita, sa faaaoga e Hart ma lana vaega apefa’i ina ia sao ai i totonu mai le mafiafia o le aupa o le aai.

E itiiti se tulaga faa-fitafita na ‘ausia e Niu Sila-o le talia lea e Niu Sila o le “lemon-squeezer”e avea ma ona pulou o le taua. Ina ua uma le taua-sa faasaga loa Hart e toe faaaoga lana kamupani Loia-ae o nisi taimi e alu atu ai i taaloga tetele tau tuligā-manu ‘aivao i Aferika!

© Samoa Observer 2016

Developed by Samoa Observer in Apia