O le mea’alofa sili o le fa’atasi ma le fanau

By Aruna Lolani 14 May 2017, 12:00AM

O Si’i Leaupepe o se tinā maopaōlo i le afio’aga o Faleasi’u 

I le āfea ai o le tinā iā Si’i le pōlokalāme o le Fofoga o Samoa i le aso ananāfi na ia fa’asoa mai ai se maealofa sili o lo’o naunau ai i le Aso Sa o Tinā. 

O Si’i e to’a tele nai ona alo, o nisi o lo’o i Samoa nei, ma le to’atolu o lo’o aumau i atunu’u mamao.  

“Pau lava le meaalofa sili o lo’o o’u mana’o ai lava i le Aso Sa o Tinā o si a’u fanau ina ia matou fai aso sa fa’atasi." 

“E le tauā ia te a’u ni mea'ai, o ni ofu po ni a lava ae tauā lava ia te a’u le iai fa’atasi ma si a’u fanau i lenei aso sā." 

“E pei na'o le pau lea o le meaalofa o lo’o o'u fa’amoemoe ai lava ina ia taunu’u, aua foi ga gata lava le matou feiloa'iga ma le fanau i ia aso ae lei faia ni taito’a lua, e pei na le pau lea o le mafutaga umi ma le fanau." 

“E pei o le ala foi lea o le naunau e maua le mafutaga ona ua fai se leva se'iloga foi lava ua iai ni fa’afitauli to'a maua foi lea ni feso’otaiga." 

“Pe la ta te iloa fai ni telefoni e vili vili iai, e ta te le iloa foi alu i luga o aupega tafa'ilagi e ta te talanoa atu ai ma vaai atu ai." 

“E pei o le ala tonu a lea o lo’o naunau ina ia mafai ona matou fa’atasi i lenei aso sā." 

“Ia o a’u le tinā o lo’o malosi lava pau lava lea o so ta ia naunautaiga o le aso sā o tina, o  le fanau ina ia auai fa’atasi mai." 

“E iai lava le lagona na fa’aletinā e le mafai ona mamulu ese atu ona o lata tama ma e misia ai lava le fanau i taimi uma." 

“E ui lava o lo’o maua mai le fesoāsoāni mai si ‘au fānau mai fafo, e le tu’ua ai lo’u fiā fesoāsoāni i le tausiāina o lo'u āiga.” 

O le galuega masani lava a Si’i o le ala usu lea e fa’amalosi tino solo lava luma le fale i le taeina le lapisi.

“Ia e aoga e maua ai le fa’amalosi tino latou ia." 

“Ia pei foi la ona tou tau mai o lea tapena atu le fanua ia alu ai foi i a’ogamea o le aso a tinā ma lona fa’amoemoe." 

“O lea fo'i le auala ou te fa’amanuia atu ai le aso sa o tinā i tinā uma o Samoa, ae maise lava tinā o lo’o faigaluega ma tinā i aiga taitasi." 

“Manuia Tele le Aso Sa o Tina lenei aso. 

By Aruna Lolani 14 May 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>