E faigata le galuega ae mana’omia lava

By Aruna Lolani 14 May 2017, 12:00AM

O lea le talitonuga o le tinā i a Foketi Maiava o Falelauniu, ma o le isi lea mafua’aga i le fa’afualoa ai pea o lona soifua.

Ua 57 le matua o lona soifua i le tausaga lenei, o le aso ananafi na maua ai le avanoa e fa’atalatalanoa ai le tinā.

O lona finagalo fa’aalia – a’o alo atu si o tatou atunu’u e fa’amanatu le Aso Sa o Tina e patino i tinā e ao lava ona fa’aoga tatau le taimi. 

 “Ia o la aso, sa taua ia lava ma fa’amanatuina ai nei aso taua peitai o aso nei, i lo’u lava ia  manatu na’o a’u e le’o toe taua." 

“O le tele o tina ua pisi lava i le fa’ationina o fa’atauga ae o nisi foi o tina o lo’o faigaluega lava aua lava se tupe fa’asili o le fanau."

“Ia o leā foi le tulaga o lo’o o’o iai nei." 

“E tele lava na faitio le fanau i lo’u faigaluega fa’asoloakoa peitai e na’o a’u lava ma le tamā le aiga e faigaluega e maua ai le seleni e totogi ai pili ae le gata i lea o mea mana’omia le fanau."  

“O lo’u lava foi ia manatu o le Aso Sā o tinā  e ui lava le fai fa’amanatu ae ao lava ia te a’u ona fa’amuamua le tulaga e tatau ona fa’amuamua."

“Pei la o le itu lea i le fanau, e le mafai ona le faia nei tulaga pe a aunoa ma se tupe o sefe mo le fanau." 

“O ma'ua ma le tamā o le aiga e faigaluega uma i le faleoloa o Ene, o si o’u to’alua e leoleo po ma o ma galuega o lo’o fa’amoemoe lava iai si o ma fanau ma le atina’eina o le ma aiga." 

 “E ui ina laiti totogi e maua ae e taugofie le tele o oloa, ia pe leai fo’i lava se vaemoa ae pei o la aso a maua le eleni ia o le aiga milionea na."

“O le Aso Sa lava ia, a maua lava se vaemoa ua le toe iai se mea e popole ai."

Na ia ta’ua o le isi lea mafua’aga ua tele ai le naunau o tagata i nei aso e fa’amanatu ona o luga lava o teuga eseese ma isi tulaga." 

“Ia o lā aso , a maua lava le ti ma le fa’alifu i le vaiaso atoa, ia e pei e leai lava se mea e popole ai fua, ae o nei aso ua tagisā i mea’ai mai fafo ma ua tele ai ma fa’ama’i."

“Ia manuia lava le Aso Sa o tinā ia Samoa atoa."

By Aruna Lolani 14 May 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>