O le talosaga a se Alii ua lavea’ina ai o ia

Tusia Lanuola Tusani Tupufia ma Faaliliu e Seagaitumua Tupuola ,

223 Hits

UA SA’OLOTO : Sekolasitika Mataafa a o tuua le Faamasinoga

UA SA’OLOTO : Sekolasitika Mataafa a o tuua le Faamasinoga

O se talosaga mai se itu tete’e i luma o le Faamasinoga Faa-Itumalo e faapea o le faigata ia te ia ona totogi tupe ina ia auai i se faamasinoga e pogai mai le le lava o taimi a Leoleo e tolopo ai –na faa-sa’oloto ai o ia ananafi 

Na tula’i Sekolasitika Mataafa i luma o le Alii Faamasino o le Faamasinoga Faa-Itumalo-o Vaepule Vaemoa Vaai.  

Na faitauina e Silipa Uesele lea o loo tula’i mo moliaga- e faapea o le itu tete’e o loo molia i le le aloa’ia o le Faamasinoga.

Ae ui o lea-na faailoa atu e lea tamaitai i le Faamasinoga e faapea e le’i sauni Leoleo e faagasolo le faamasinoga talu ai latou te le’i maua faamatalaga uma e manaomia e faagasolo ai le iloiloina o lea mataupu ananafi.

O le taimi tonu lea na si’i ai le aao o Mr. Mataafa ma faailoa atu ona manatu. “I le faaaloalo tele i le Alii Faamasino ma le Faamasinoga-o lenei mataupu i le va o a’u ma Leoleo-ua faa-fa nei ona valaau,” o le talosaga lea a le itu tete’e. 

“O le taimi mulimuli na valaau ai-na saunoa ai Lau Afioga-o le taimi mulimuli lea e tolopo ai-a leai-o le a faaleaogaina moliaga. I le faaaloalo tele-ou te talosagaina ai e faapea –o se talosaga e toe tolopo ai lenei mataupu-e tatau ona teena ona o mafuaga e faapea –E mamao le mea ou te nofo ai.

“E faigata tele ia te a’u ona maua se auala-ina ia ‘ou auai i nei faamasinoga ma ou te faaalu tupe ou te sau ai iinei ma e matua faigata tele-talu ai ou te taumafai i le mea sili ina ia ia maua se auala ou te sau ai iinei…e pei foi o le asō ma e ui lava ina leaga le tau-ae ou te sau lava.”

Sa fesiligia loa le vaega o loo gafa ma moliaga e uiga i le talosaga a le itu tete’e. Fai mai le tamaitai o Ms Uelese ua sauni Leoleo e fai le moliaga ae le o ia i latou le ata o faamatalaga latou te manaomia. 

Ae peitai, fai mai le Alii Faamasino o Vaepule-e le o se faaletonu lena o le itu tete’e. “Ae faapefea le popole o le itu tete’e i tau, o ai na te tauaveina,” o le fesili lea a Vaepule.

O le tali-fai mai lē o loo gafa ma moliaga o lena tulaga e tu’u lava i le faitalia a le Faamasinoga ona fai se faaiuga e tusa ai ma lena mataupu. Sa faailoa atu e le Faamasinoga e faapea o lea mataupu na valaau i le aso 21 o Mati ma na toe valaau foi i le aso 5 o Aperila lea na tolo e faamae’a ai moliaga a Leoleo.

Na toe tolopo foi i le aso 19 o Aperila ona o lea lava talosaga e fia faamae’a moliaga ma o lea na toe faatulaga ai e toe valaau i le vaiaso mulimuli –ae sa le maua se avanoa o le Faamasinoga.  Fai mai Vaepule- e le o se faafitauli lea a le itu tete’e pe afai e le o maua e leoleo faamatalaga!

“E le amiotonu lena tulaga i le itu tete’e.”

Ona ia faaleaogaina ai lea o moliaga e faavae i luga o le itu –e le o lava faamatalaga molimau.

© Samoa Observer 2016

Developed by Samoa Observer in Apia