Galue ma suesue malosi. Faigofie mea uma i le Atua.

By Seia Soloi 14 March 2017, 12:00AM

O le manatu taiala lea a le taule’ale’a o Perosi Mapu, 22 tausaga le matua mai i Vaitele-Fou ao taumafai atu ai mo lona tausaga mulimuli i le Iunivesite Aoao o Samoa I Papaigalagala, Tipiloma o le Faa-faiaoga.

E ui i le tele o faigata ma luitau na feagai ma ia ao tau amata ai lona olaga aoaoina, ae o lona naunautaiga lava mo ona matua ma lona iaga, ua mfua ai na lata i le tini lona naunautaiga i lenei tausaga mulimuli.

“E faigata le ola aoaoina, e iai lava nisi o taimi ua tauau ina mou atu ai le le fia auai i le aoga, tele meaaoga sau a le faavaivai ma le faapalapala ae o le vaai lava i matua e malosi ai le loto e faaauau” o lana tala lea i le Fofoga o Samoa.

Na ia tau’a pau le tulaga faa-faigata na feagai ma ia o lona pili aoga.

“E fai o le taugata e faitau afe tala le pili aemaise pe a fua atu iai I se aiga e silia ma le toalima le au ao’oga, o tupe mea uma e faatupe ai ma e le taugofie foi

“Fa’i o meaai  aso uma ma pili ae o faalavelave fai foi i totonu o aiga ma mea fai a le nuu ma le ekalesia o tupe uma lava mea uma.

O le miti a le alii ia Perosi ina ia iu lelei lana aoga I lenei tausaga ma saili sana galuega aua le tausiga o ona matua.

“O le vaai mamao na mo le taimi nei, ae o le faamuamua lava o le aoga i lenei tausaga tele faafitauli ma faalavelave ae a tuu iai le loto ma le mafaufau atoa iai, e taunuu ma le manuia.

I le tele ai o suiga ma luitau i lenei olaga, o lo’o mausali ai lava lona manatu ina ia faauma lelei lana aoga ona ia agai lea i seisi laasaga fou o lona olaga.

“Tele fuafuaga a le Atua i le tagata ma e leai foi se mea e faigata I le Alii pe a tuu iai le loto ma le mafaufau atoa.

Na ia faaailoa foi, o ona matua o lo’o avea nei ma faataitaiga pito sili ona taua mo ia ma lona olaga.

“Aua o mea uma lava o matua lava e faia, po o le a foi le taugata i fea e faia lava aua se lumanai manuia o I matou le fanau.

Mo le alii la o Perosi e faataunuuina lana miti, o le galue malosi le mea taua.

“Galue malosi ma tuu iai ma le loto ma le faamoemoe I le Atua, e leai se mea e faigata.

By Seia Soloi 14 March 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>