Ua maua Amapasa a le B.S.L.

421 Hits

O amapasa fou o le B.S.L ma o latou matua ma sui o le B.S.L

O amapasa fou o le B.S.L ma o latou matua ma sui o le B.S.L

Tusia - Vatapuia Maiava

Faaliliu e Seagaitumua Tupuola

 

Ua faailoa e le Business Systems Limited (B.S.L) ni tagata e to’a 10 ua laki ma maua faailoga mo le latou Polokalame faa-Amapasa. 

O I latou ia o :

• Mark Masoe o le NUS

• Jennifer Coffin  o le  NUS

• Jasper Johnson o le USP

• Ahava Imo o le NUS

• Nopele Matafeo o le Faleata College

• Salvadios Toleafoa o le Samoa College

• Faitauga Ioapo o Leififi College

• Talimiracle Tuvalu o Faleata College

• Faafetai Tinei o le Ah Mu Academy

• Hemara Muliaga o le St. Marys Savalalo

. O le sauniga o le tauaaoina atu o faailoga sa faatinoina i le faleoloa o le B.S.L. i Taufusi faatasi ai ma amapasa fou  ma o latou matua sa auai. 

.E tofu le tagata mau faailoga ma le $2,000 mo aitalafu i le faleoloa lea e mafai ona faaaoga mo soo se faatau tau a’oa’oga e aofia ai tupe mo pili o le a’oga

E ese ai ma le tupe mo aitalafu e $2,000, o le a maua e Amapasa le avanoa e faigaluega ai faa-vaitaimi  i le B.S.L.faapea foi ma tiute tau amapasa mo le pisinisi  ia a latou a’oga ma nuu.”

O Nixon Mataia, le Pule o le Maketi, fai mai ua faafiafiaina i latou ona ua mafai ona latou fesoasoani atu i Amapasa. , 

“O le taimi muamua lenei ua matou faia ai se polokalame faapenei ma o le matou se’i vaai pe o le a faapefea ona faagasolo mea mo le isi tausaga ae ua faafiafiaina lava i matou ina ua maua a matou amapasa fou e 10,”o le faaaliga lea a Mr. Matai’a. 

“O ia amapasa na filifilia e se vaega filifili ma na matou faia ia mautinoa e leai se tasi o matou aiga e talosaga mai mo se sikolasipi ina ia mafai ai ona na o le atunuu e faamanuiaina mai lenei fuafuaga.” Fai mai Mr. Matai’a e le tuuina atu e le B.S.L. soo se tinoitupe ina ia aveese ai le lamatia o i latou mai le faaaogaina o tupe i isi nofoaga ae le mo lo latou aoaoina.

O le pogai lea o le a tausi ai lea tupe i totonu o se faiga faa-aitalafu mo amapsa ina ia mafai ai e le B.S.L. ona mata’itu pe faapefea ona faaalu ma o le a latou faia ia mautino ua faaaluina ma le tatau lea tupe. O le polokalame tau amapasa o se tasi lea ala e mafai ai e le B.S.L.ona toe foa’i atu mea i le atunuu. O le ta’utinoga aupito i tele o loo tauivi i ai le B.S.L. o le fesoasoani atu lea ma toe tuu atu mea i le atunuu; e tatau lava i taimi uma ona matou toe tuuina atu ni mea i le atunuu,” o le faaaliga lea a  Mr. Matai’a

“O se mea lelei foi lenei mo matua ia o loo feagai ma faafitauli tau le tuuina atu o alamanuia tau a’oa’oga ma totogi o a’oga-ina ia mafai ai ona matou vaaia tupe ua totogi atu ma ia matou iloa ai mai foliga o matua o i iinei i le asŏ-ua latou maua le fiafia.”

© Samoa Observer 2016

Developed by Samoa Observer in Apia