Leai se afā o aga mai Samoa - Mulipola

Tusia Ilia L. Likou ,

37 Hits

Ofisa Sili O le Va’aitau,  Mulipola Ausetalia.

Ofisa Sili O le Va’aitau, Mulipola Ausetalia.

O lo’o ua fa’amaonia mai e le Ofisa Va’aitau  le leai lea o se isi afa o lo’o ua aga’i mai le atunu’u.

I ripoti a le Ofisa So’oupu  a le Malo, na saunoa ai le Ofisa Sili O le Va’aitau,  Mulipola Ausetalia ma fa’amaonia mai ai lea tulaga.

Na ia fa’ailoa e leai se vaega e ono fa’apopoleina ai le atunu’u e fa’apea o lo’o ua aga’i mai se isi afa.

O le taimi lenei e pau vaega o lo’o ua fa’aauau pea o timuga aemaise o le saogalemu o tagata lautele mai nei timuga e pei ona i ai lologa.

O timuga foi o lo’o ua maitauina le taimi lenei e fa’aauaina pea i nai aso.

I le fa’atalatalanoaga a le ‘Au Tusitala ma le Palemia na ia fa’ailoa ai foi le tele o le suiga o le tau o lo’o ua i ai nei atunu’u.

O  lea lona finagalo fa’ailoa e fa’atatau i  suiga o le tau o lo’o ua i ai nei le lalolagi aemaise o ‘a’afiaga i atunu’u laiti.

Na ia ta’ua e fa’apea ‘O mataupu faaauau, o le mea mo’i a ia o mataupu a o lea ua agai uma i ai le lalolagi, faataua e le lalolagi masalo poo o le isi 10 tausaga e le toe tuuitiitia o le mea a lea o le fesuisui’ai o le tau ma le afaina o Malo ma atunuu.

 “O fesuiga o le tau, e lamatia ai ia le soifua, e le gata o taumafa, soifua maloloina mea ua a,” o lana saunoaga lea.

‘ E aafia uma ai a i le soifuaga atoa o tatou tagata, soifua maloloina, o aoga, auā e tasi a le agi mai o le afā ia ae malepelepe uma foi faleaoga, afaina falema’i. Ia e le gata i lena o le afaina o auala ia ona tele foi lea mo mea o tupe e alu ai i le toe faaleleia.

“Ae le gata i le na o le tulaga a ia i le faatamaia o le tele o mea e tautua ai le atunuu nei e aofia ai le uila, telefoni o mea uma a faapena. 

“A i le vaai la a ta’ita’i o le lalolagi, e leai se isi lu’itau e sili atu ona ogaoga nai lo le fesuiaiga o le tau, le ala foi la lena o lea ua faataoto ai polokalame mo le lagolago mai o atunuu tetele i atunuu o loo pito afaina i le fesuiaiga o le tau.

Mo le Pasefika lava latou, na ia fa’ailoa  ‘o fesuiaiga o le tau e agai tonu lava i le mafanafana foi lea o le ea ia ma le liu suavai o le aisa, ona siitia ai lea ona o lea e tafe aga’i i le sami, ia ma siitia ai le maualuga o le suatai; ia ona magoto uma ai lea o eleele tu maulalo’

“O lona uiga la mo atunuu ia, e taipei o Toga, taipei o Kiripati o Tuvalu na’o nai futu e maualuga ai mai le sami, ia o lona uiga e magoto uma a ia atunuu na. 

“E oo foi la ia tatou, afai e sa’o i tulaga ia aua e eseese a vaaiga a saienisi, o isi saienise e fai ma e ono oo i luga i le 100 futu le maualuga. 

“Ia a 100 futu oka oka oka, o lona uiga e leai se nuu e toe aliali i luga, o lona uiga o ina e mata tuaau ai tagata, i mea o loo tutu ai nuu i le taimi lenei.

“Ia o lona uiga ua o tatou, leiloa poo le mea lele tu mai ai le moli o le ava i luga o le mauga leiloa poo i na lea la amata ona i ai le aau fou i na ona aso. 

“O le tele a o mataupu ia e aliali mai nei pe oo atu i le turn of the century o lona uiga o lea ua tatou 2020 e oo atu la i le 2100 ia ua tatau ona tupu mea na; ia ua tupu ane ua ta leai ua ta pepese i le aufaipese a le Alii. 

I ripoti muamua o lo’o ua fa’ailoa e fa’apea e o’o mai lava le taimi lenei o lo’o ua vala’au pea atunu’u laiti o le Pasefika e aofia ai ma Samoa i atunu’u tetele ina ia tu tu fa’atasi e tete’e atu i suiga o le tau aemaise o ‘a’afiaga o atunu’u laiti o le Pasefika i le si’itia ai o le suasami.

O le masina o Novema le tausaga ua mavae na feiloa’i atu ai le Sui Palemia, ia Mata’afa Fiame Naomi i a Pope Faranisisi a’o aga’i atu ai i se tasi o fonotaga fa’ava-o-malo na mafai ona auai atu ai (U.N.F.C.C.C. C.O.P.23) lea na fa’ataunu’uina i Siamani.

I lea feiloaiga na fa’ailoa ai e Pope Faranisisi nisi o atugaluga o lo’o ua i ai nei ona o le si’itia ai le suasami ma avea ai ma ‘a’afiaga i nisi o atunu’u tau atia’e o le Pasefika ma ua ‘a’afia ai fagotaga i le tele o gataifale o atunuu lea o lo’o fa’alagolago ai le atunu’u.

I lea feiloaiga na ia fa’ailoa le taua o le galulue fa’atasi o atunu’u tetele ma atunu’u laiti ina ia foia nei fa’afitauli ona o le ‘a’afiaga i le ola ma soifua o le to’atele o tagata.

I le fa’atalatalanoaga ma Fiame Naomi Mata’afa i luga o le Leitio a le Vatikane na ia fa’amamafa ai le lagolagosua o atunu’u tetele ina ia mafai ona foia  fa’afitauli ua tele ina lofia ai atumotu laiti o le Pasefika.

E tele atunu’u e o’o atu ai Pope Faranisisi ma fa’ailoa atu le fesoasoani i le tele o auala e mafai ona galulue fa’atasi mo le manuia, i le tino, mafaufau ae sili i le agaga.

O le tausaga ua te’a sa malaga ta’amilo ai fo’i Pope Faranisisi i le taimi muamua i lona tula’i mai ai i le ta’ita’iina o le Ekalesia i le lalolagi ma afea ai Aferika.

I lona auai atu ai i Mexico sa ia fa’aaogaina le avanoa i le taimi o le Misisa e molimoli ai le tele o timaiga aemaise ai lava lea o le taua o le si’osi’omaga mo le ola ma le soifua o so’o se tagata soifua.

O se malaga  na mafai ai ona asia o ia le tele o vaega o lo’o nonofo ai tagata sulufa’i.

Na  fa’ailoa mai fo’i o lea malaga sa ia feiloai atu ai i nisi o talitonuga e pei ona i ai le Moselemi ma e ui ona o le a le aofia ai le tele o vaega o le atunu’u ae o le agaga lava o Pope Faranisisi ia nonofo fa’atasi tagata uma i le filemu ma le soagalemu.

© Samoa Observer 2016

Developed by Samoa Observer in Apia