Taula’i le va’ai i avanoa faigaluega i atunu’u i fafo

By Fetalai Tuilulu’u 14 February 2017, 12:00AM

O Christian Fa’atoese mai Magiagi ma Vailoa, o lona talitonuga o le lumana’i o le tagata e fa’amoemoe lea i lana galuega e fai i le taimi nei.

20 tausaga le matua o se tama tuai o le Kolisi o Maluafou ma o lo’o fesoasoani i le tausiga o lona aiga.

Ae o lo’o taula’i fo’i lana va’ai ina ia maua sona avanoa e Malaga atu ai i Niu Sila e saili’ili galuega ai i le fale fasi manu ina ia mafai ona lafo mai tupe i lona aiga iinei.

O lona naunautaiga ina ia tuto’atasi ma fa’amoemoe lava i fua o ana galuega.

“O se avanoa ma se amataga fou lea mo a’u,” o lana saunoaga lea i le Fofoga o Samoa.

“O se avanoa e mafai ai ona toe maua ai le tele o nisi avanoa, e pei lava o se tasi amataga fou lea poo se olaga fou fo’i.”

Sa ta’ua e Christian sa a’oa’oina ia ina ia mautū lava lona mafaufau tusa lava po’o a fitā ma faigatā e fetaia’I ma ia.

“E pei lava ona e silafia o le a’oa’oina lelei e le na o se lumana’i lelei e maua mai ai ae e a’oa’oina ai fo’i tatou ina tatou fa’alaua’itele o tatou manatu i se mataupu se tasi.

“E ui lava e tele le tamaoaiga a lo’u aiga ae out e mana’o lava ina ia ou faia ni mea e sili atu.

“Auā o le upu moni lava e tatou te le mau ai pea ma o tatou aiga i le olaga atoa. E ao ona tatou iloa ola tuto’atasi.”

O le talitonuga o Christian o Niu Sila lava le nofoaga sili mo ia.

Sa fesiligia fo’i i le tele o fa’afitauli o lo’o fetaia’i ma le tupulaga talavou ae o le talitonuga a lea taule’ale’a e mafua mai i suiga ese’ese o le olaga.

“E ese le faigata o lou taumafai e fai le mea sa’o ae o tagat o lo’o si’omiaina oe o lo’o fiafia lava latou e una’i oe i lalo.”

Sa ia fa’apea mai fo’i a sui le ituaiga mafaufau e suia ai foi le tulaga o lou olaga.

“O le tausaga lenei out e mana’o e fai se suiga fou o lo’u olaga.

“Ou te mana’o e ina ia o’u fa’amalosi atu i nisi ina ia mautū ma maua’a o latou talitonuga.

By Fetalai Tuilulu’u 14 February 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>