Laugatogi Tauvaga o le Si’osi’omaga

242 Hits

Fa’aliliuina: Iliā L Likou

 

E silia ma le sefulu le fanau aoga na mafai ona fa’amanuiaina mai le tauavaga tau i le Si’osi’omaga lea e lomiaina i le pepa o le Aso Sa i totonu o le Observer i vaiaso uma.

O lenei fa’amoemoe o lo’o fa’atautaia e le Matagaluega o Punaoa Fa’alenatura.

O le Ofisa Sili a le Matagaluega, Suluimalo Amataga Penaia na saunoa e fa’aatau i lea fa’amoemoe ma fa’ailoa ai e fa’apea o le tausaga e 1999 na amata ai lea tauvaga ma ua va’aia le tele o le aoga o lea polokalame taua mo le fanau aoga.

“O lo’o maitauina ai pea le fiafia o le fanau e auai mai i le polokalame ma e tele lava na fa’ailoa mai le agaga fiafia o matua aemaise o le atunu’u ona o lea tauvaga.

Na ia saunoa o le auga autu o le fagufagu lava i fanau aoga auala e mafai ai ona puipuia le si’osi’omaga.

 “O i tatou e tausia le siosiomaga ma o la tatou matafaioi fo’i lea.

“O lo’o i ai lava le agaga maualuga o i latou nei e alagatatau ma aoga tele ai lenei polokalame.

 “Aua fo’i o le fanau o le lumana’i lea i so’o se atunu’u ma ou te talitonu e ao lava ona a’oa’o fanau ina ia o’o atu ina avea latou ma tagata matutua a ua lava tapena mo le lumana’i ma ni fa’afitauli e ono tutupu mai ai.

O lea tufatufaga fa’ailoga na va’aia ai le tumutumu ai fo’i o matua aemaise o aiga.

O le fanau sa maua fa’ailoga i le 10 pito i luga na maua fa’ailoga mai kamupani lea na lagolago malosi mo lea fa’amoemoe.

O le tama’ta’i i a Grace Alofa Ah-Young mai Vaitele Fou na maua le sili aoao mai i lea tauvaga.

O le manaoga o Grace e fia avea o ia ma Loia i Vaega Tau i le Si’osi’omaga pe a matua.

“Ou te mana’o lava ia saogalemu lo tatou si’osi’omaga ma ia fa’atumauina lona mama ma le matagofie.” o lana tala mai lea.

 “Ou te fiafia tele i lo tatou siosiomaga ma o le ala fo’i lea o lo’u manao ina ia puipuia lelei.

Lisi o le fanau aoga na fa’amanuiaina

1. Grace Ah Young

2. Precious Savea

3. Jeremiah Savea

4. Gideon Mulitalo

5. Shalom Pasese

6. Hailey Rasmussen

7. Hamish Ioane 

8. Michael Rooney Leota

9. Betty Jessop

10. Siaosi Galumalemana

Consolation Prizes

1. Amaris Rosana Crichton

2. Felicity Nafoi

3. Emyllia Mariner 

4. Tialia Isaia

5. Mulan Theresa Toso 

 

© Samoa Observer 2016

Developed by Samoa Observer in Apia