E o’o lava i tane vai ua le mafai ai lava ona tu’u ititia fa’afitauli o le le suavai mo le tele o aiga.

O lea le finagalo o Mana’o Epati o le afio’aga o Aleisa ma Faleasi’u i le Fofoga o Samoa i le aso ananafi.

O Mana’o e fa’alagolago tele le aiga i fua o fa’aeleeleaga mo le tausia ai o le aiga.

‘Ia e pei o lea lava le  fa’afitauli mo matou ma le aiga, e le o’o mai nei le vai i le vaega o lo’o ua i ai lo matou aiga.

“Ua fai si leva o tausaga o matou nonofo i lenei nofoaga ae pei o lea lava le fa’afitauli.

‘E mo le silafia ai e fai lava sina to’atele o nai aiga o lo’o ua feagai pea ma lenei fa’afitauli , o le itu mautinoa o le suvai o le ola.

‘O so’o se aiga lava e manaomia le suavai i mea uma ma galuega fa’atino mai lea aso i le aso.

“O lea lava e taumafai lava aiga, o le itu mautinoa o se itu faigata tele lea.

Na ia fa’ailoa tiga lava ona lima vaivai ae na taumafai lava e fa’atau se tanevai.

‘Ia e mo le silafia ai o le tausaga e 2015 na mafai ona fa’atau ai vaega nei e pei ona i ai le tanevai.

“O se itu mautinoa lava ia e misi loa ma le timu e leiloa pe a fa’afefea na fai, o le uiga lea o la’u tala e pei e fa’alagolago le suavai maua le tanevai i le timu.

‘A leai se timu ia o le fa’alavelave le mea e tula’i mai, o le taimi lenei o lea lava e taumafai mea uma lava.

“E alu alu o’o atu asamoga vai nai isi aiga pe a leai lava se mea e mafai ona tua i ai.