Umusa le maota o Tupa’i i Nu’usuatia

Tusia Ilia L Likou ,

98 Hits

Le Maota o le Aiga o Tupa’i i Nuusuatia.

Le Maota o le Aiga o Tupa’i i Nuusuatia.

E 1.08miliona le tau aofa’i o le maota o le aiga o Tupa’i na tatalaina i le amataga o le vaiaso lenei i le afio’aga o Nuusuatia.

E le’i silia i le ono masina le umi na fausia ai.

Na fa’ailoa e se tasi o sui o le aiga lea na tu malosi mo le fa’atinoina o lea fa’amoemoe, Taaloga Tupa’i Drabble o se fa’amoemoe ua leva na moe miti ai o ia ma nisi o le aiga e ui ona o le tele o tausaga o lo’o alala i totonu o Amerika Samoa.

O Ta’aloga o ia o se fai pisinisi iloga i le motu.

“O matua o o’u matua i a Ana ma Tupa’i Logovii sa nonofo iinei i aso ua mavae, ae o matou ia sa tuua lava le nuu nei o laiti lava,” o lana saunoaga mai lea.

“O le  mafaufau lava lea sa i ai i a te a’u o le toe foi mai lea e fai se galuega e aoga mo le aiga, ia e pei la ona i ai lenei aso taua.

O Ta’aloga ma lona to’alua i a Tom Drabble  o pule o se tasi o faletalimalo tele i totonu o Amerika Samoa.

 “Ia o le fausaga lava lea o le fale Samoa na ola mai ai e pei o lea lava le manaoga o lea ua fausia ai lava ma le fale lenei.

 “Ina ua maliliu matua o matua na fa’atonuina ai i matou e lo’u uncle ina ia o matou o i le isi fale ae tu’u i lalo le fale tuai na o matou nonofo ai.

“O se fa’aiuga fa’anoanoa tele lea i a te a’u ona e pei ona silafia ai o lena fale, ia o iina na amata mai ai lava le olaga e tele lava mea e manatua ai si o matou  fale tuai sa i ai i lena  vaitau.

 “Ina ua alu ese ai la ma le atunu’u ia na fai ai lava la’u tautoga i matua o o’u matua ou te toe foi mai lava e fau se fale e pei o lo matou fale tuai sa i ai muamua, ia e pei la ona outou maitau mai ai lenei aso.

 “Ia sa le’i faigofie lava, o se tasi o tausoga na fesoasoani ai ma aumai $30,000 mo lenei fa’amoemoe, ia sa tele se taimi na tau su’e ai ni tufuga mo le fale.

“Ia e $350,000 le tau o le fale Samoa lava ia, ia o le isi $350 e mo le soso’oina atu i tua ae o le isi vaega tupe o le totogi lena  o le tufuga.

 “Ia na  alu alu foi sau le musu , ae fa’afetai i le Atua na taunuu lava ma le manuia le fa’amoemoe sa fa’atinoina.

“O lea ua ma’ea ma ua tino mai le fa’amoemoe o le viiga e fo’i i le Atua.

Na fa’ai’uina lea aso tele i fa’aaloaloga ma le taumafataga tele na saunia e le aiga.

© Samoa Observer 2016

Developed by Samoa Observer in Apia