Ua lelei Falema’i mo Savaii

14 January 2016, 12:00AM

Tusia - Deidre Fanene

Faaliliu e Seagaitumua Tupuola

 

O le mea e lelei mo Upolu e lelei foi mo Savaii.Talu ai le faapa’iaina o le toe faafouina e $6 miliona o le Falema’i o Malietoa Tanumafili II i Tuasivi ananafi, ua mafai nei e nisi o le 46, 000 tagata o le motu tele ona matua faafiafiaina ona o le toe faaleleia o fale o lea falemai. 

O ia fale e aofia ai le toe faateleina o le falema’i o Mata, falemai o Nifo, Fale Talavou, potu o faamaumauga faa-fomai, potu mo Faalavelave Faafuase’i, Fale Failele ma le Potu o Auaunaga mo le Atunuu.

O le Palemia, Tuilaepa Sailele Malielegaoi –na ia tatalaina lea galuega tele ananafi, ma na faafetai le fesoasoani mai malo o Ausetalia, Niu Sila ma le Faletupe o le Lalolagi. Fai mai a ia o le faamoemoe o le malo ia mautinoa ua avanoa tagata Samoa uma i le auaunaa lelei tau le soifua maloloina.

O le pogai lea ua faamuamua ai e le malo le soifua maloloina.“O nei galuega o se vaega atoa lea o noataga faifai pea o le malo ina ia faaleleia le tulaga ma le lelei o auaunaga tau le soifua maloloina i Savaii,” o lana faaaliga lea.

“O le mea moni o faiga faatulagaina o le tausiga o le soifua maloloina ua mautinoa ai e faapea o lenei falemai ua aofia ai se savali atu i totonu o se vaega lautele mo gasegase ma togafitiga tau faalavelave faafuase’i 24/7.”

O le Sui Hai Komisi mo Niu Sila, o Michael Walsh, fai mai o lea fale e manaia tele lona fausaga.

 “O faafouga ma le toe faateleina o le falemai ua mautinoa ai lona avanoa mo tagata o Savaii ina ia faaleleia le  tuuina atu o le auaunaga tau le soifua maloloina e ala i le tulaga masani tau le lelei o fale e pei ona faafiafiaina ai tagata o loo soifua i Upolu,” o lana faaaliga lea. 

“O loo matou tilotilo i luma e vaai i le vaega o totoe o fale na fausia i tupe mai le Healthy Sector Wide Approach Programme, ina ia mae’a i se taimi vave o i luma.” O le galuega tele na faatino e le Ah Liki Construction Ltd.”Ua matou mautinoa o lea falemai ua toe faaleleia atili i se tualga ese ma ua faatotogaina ina ia tali atu i manaoga tau le soifua maloloina o tagata o le atunuu,” 

14 January 2016, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>