Aua le nofoa’i

By Ilia L. Likou 13 November 2017, 12:00AM

O le olaga lenei e leai lava se mea e faigata pe a loto i ai.

O lea le finagalo o Uili Taula’i  o Si’ufaga i le Fofoga o Samoa i le vaiaso ua tuana’i.

“O se itu taua tele lea i ate a’u lava ia o le tausia lelei lea o aiga,” o lana tala mai lea.

“Ia o a’u e le’i faia se to’alua ae o le agaga fa’afetai o le mafai ai lea ona fa’atinoina o so’o se vaega aua le aga’i atu ai le lumana’i.

“Ua faigata nei aso, i le tauagata o le tau o le soifuaga.

Na ia fa’ailoa ‘ia masalo e leai lava se tasi e le silafia lea tulaga i le taugata o le soifuaga.

“E leai se mea o toe faigofie i nei aso, ua matua’i leai lava se fa’amoemoe o i ai, ae o le taumafai lava ia su’e galuega e mafai ona fa’amoemoe i ai.

“O le faigata lea o si o matou pito iinei, ae o le itu taua o le taumafai lava e su’e nai galuea ae e pei lava o le tele o le ma’umaga ma le sami e fa’alagolago ai.

“Ae le taitai lava ona mafai ona faia i ai se fuafuaga i le taimi lenei, i le tau tupe, o le uiga o la’u tala e tele lava mea’ai ae o le itu tau seleni ua matua’i faigata lava.

“O se itu taua tele lava le taumafai ai pea i le itu lea ua o’o i ai le malosi i le taimi lenei.

“O le faigata ai o lenei olaga, ia o le le maua lea o le galuega mo le tele o nai tagata, ae a fa’aaoga tatau lava le taimi ia e le taumate o le a fesoasoani lava i ai.

O le taimi lenei o lo’o galue o ia i le faletalimalo o Amoa i Si’ufaga, Savai’i.

“E pei o lea lava le itu i le taimi lenei, e leai lava se tulaga e mafai ona o tatou va’ava’ai atu ai pe afai e faigata ona tatou gafatia le olaga nai lo le tu’u i ai o le taimi e galue ai ma le fa’amaoni i so’o se tofiga ua tofia ai.

By Ilia L. Likou 13 November 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>