Filifili i le tonu

By Ilia L Likou 13 October 2017, 12:00AM

O le fa’apau’uina ai o ma’itaga o tinā ma tama’ita’i na fa’aleoina ai le agaga fa’anoanoa o le tamā i a Ma’ilata Fiasili i le Fofoga o Samoa i le aso ananafi.

“Ia e pei o le lagona le fiafia lava lea ua i ai le taimi lenei, ona e pei e foliga mai e alu aga’i i luga le numera o lo’o i ai nei."

“O lo’u lava ia lagona na’o a’u lava ia e tatau lava ona matua’i fa’asaina ona fa’aofi mai o lea faiga e fa’ataga ai lea tulaga i Samoa."

Na momoli e Ma’ilata lona agaga fa’afetai i le malo ona o le tali atu e fa’asaina le fa’atulafonoina pe o le fa’atagaina o le fa’apau’uina ai o ma’itaga o tinā ma tama’ita’i.

“Ia e tasi le mea sa’o a Stui ma lana faigamalo i le vaega lea, o le itu mautinoa ia o se faiga fa’atevolo tele lea i lo’u iloa i ai."

“Ua o tatou iloa uma lava o Samoa o se atunu’u Kerisiano ma o se itu e ao ona ave’ese mai Samoa lava ia i lo’u iloa i ai."

“O lona uiga a fa’atagaina ua fasioti tagata atu ai ma tatou i lea faiga, ae tatau lava ona matua’i tapu ma Samoa."

Na ia ta’ua e tatau lava i a’i latou o lo’o fa’atagaina lea faiga ona aua ne’i i ai ni feusuaiga le talafeagai e ono o’o atu ai ni ma’itaga le mana’omia.

“Ia o lea lava out e malamalama i lea tulaga aua e tofu lava le tagata ma lona mafua’aga ua mana’omia lava e fa’asaina ai lea tulaga."

“Ia ae o le itu malie, se e ofo le loto pe a leiloa le mea o le a fai, o lae silafia le ogaoga le tulaga e o’o i ai, ae o lea le tulaga o lo’o fai lava ma le mautinoa e le mana’o ai."

“O lona uiga e tatau lava ona tu’u."

Na ia fa’ailoa o lo’o i ai lava vaevga e fa’apea ona saili fesoasoani ai.

“Ia manatua e leai lava se ‘ese’esega o le vaega lena ma lou fasioti tagata, o le aveeseina o le ola o le tagata ma le taimi e oti ai."

“O le mea lena e fai e le Atua, saili fesoasoani i fa’alapotopotoga masani po o nisi e talitonuina e fa’asoa lelei ai fa’afitauli ae le’i faia se fa’ai’uga."

By Ilia L Likou 13 October 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>