‘Avea ai ma fai fa’ato’aga

Tusia Vatapuia Maiava ma Ilia L. Likou ,

157 Hits

Letuau Talitualemi o Vailele

Letuau Talitualemi o Vailele

“O a’u e foufou i le olaga fai fa’ato’aga ma o se itu ua ave i ai la’u fa’amuamua i le taimi lenei.” Letuau Talitualemi o le afioaga o Vailele.

I le fa’atalatalanoaga ai ma le tamā i le aso ananafi, o le taimi lenei o lo’o nonofo ma le to’alua ma le fanau i se fanua Kuata i tai le a’ai.

 “O lo’o i ai la’u fa’ato’aga i ga’uta o le nu’u lenei, ma e le’i leva…o lo’o tōtō ai  talo, fa’i ma nai isi lava vaega e pei ona i ai fuala’au ‘aina…ma e le faigofie.

E ui la o lea fa’atoā amata ae o lo’o talitonu o le a latalata mai se taimi e selesele ai lana fa’ato’aga ma e le tau fesiligia le fesoasoani i le aiga.

“O le taimi lenei e leai se isi o fa’amoemoe ai le aiga , aua e leai se isi o faigaluega.

 “O lo’o taumafai lava e atia’e aiga i le mafai e gata ai , ma e ao lava ona tausi lelei aiga, aua o le tulaga lava lea e tatau ona fai ma ave ai le fa’amuamua.

 “O nisi o fa’afitauli ia o mea totogi lava, e le gata i lena o mea fai o le lotu, nu’u ma le Ekalesia , e pei o nai vaega taua lava ia e ao pea ona fa’atinoina.

O le fa’afitauli i le talafatai o Apia - o le lē lava o le ele’ele i le talafatai i le taulaga mo fa’ato’aga.

O lona talitonuga e sili atu i a te ia le olaga i nu’u i tua nai le taulaga.

 “O le fa’atuatuaga lava mo le lumana’i, o le fa’ato’aga.

© Samoa Observer 2016

Developed by Samoa Observer in Apia