E lē na’o tupe e mafai ona fa’amoemoe i ai

By Vatapuia Maiava 13 September 2016, 12:00AM

“O lo’o solosolo lelei mea uma i tua nei i so matou afio’aga.” Le tamā i a O le finagalo lea o Tologata ina ua fa’atalatalanoa e le Fofoga o Samoa.

“O lo’o lagona le fiafia i le tele o taimi, e leai se mea o fa’aletonu i lo matou aiga, o lo’o maua pea le manuia mai le Ali’i.

 “O le tulaga o lo’o i ai , o lea e atia’e lava e a’u ia lo’u aiga, ma e lagona le fiafia aua e leai se mea e fa’apopoleina ai fua i le tele o le mau mea.

“O le a le mea e maua mai i lea aso i lea aso, ia o lena lava, o le maua lava o le loto fa’afetai ma talia.

O Tologata na ia fa’ailoa i  le Fofoga o Samoa ua na’o ia ma le tinā le aiga.

“Na’o ma’ua lava, o lo’u to’alua o lo’o nofo i Apia e va’ai ma tausi lo’u tinā o lo’o i ai, ia o le tele o aso ua na’o a’u le aiga, ia e filemu mea uma. 

 “Ia ae o le taimi lenei ua le tutusa ma le fa’atoaga i aso ua alu, ae e le avea lea ma se itu e popole tele ai.

 “E matou te le fa’alagolago tele fo’i i aiga i fafo e lafo mai ni tupe mo matou, o lea lava e atia’e lava matou ma o le mea lava e mafai ona maua mai, ia o lena lava.

 “O lo’o silafia lava e le Atua mea uma, a mativa, ia o lae silasila ma fesoasoani mai, ae e ta te alu loa e su’e mea’ai i se aiga, ia iloa loa iina e tagata o lo’o fia’ai.

 “O le olaga ia i tua nei e leai se mea e popole ai fua.

“E pau lava le fa’afitauli , a ou alu i se mea , e fo’i mai ia ua leai le ipu mafolafola, leiloa le naifi…nai mea fa’apena.

 “Ia o le taimi lenei ou te leiloa le tau o le soifuaga aua  o a’u ua fa’amavae mai le fa’atau mai oni mea’ai mai faleoloa.

“O lo’o lelei lava le faigamalo i le taimi lenei, e pau lava le tulaga e tatau ona o tatou faia o le to’a’aga e tatalo.

By Vatapuia Maiava 13 September 2016, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>