Tapena e se Alii Kuka maoa’e Samoa mo le Olimepeka o Kuka a le Lalolagi

282 Hits

Chef Joe Lam (itu tau-agavale)

Chef Joe Lam (itu tau-agavale)

O le alamanuia tau kuka ma le tausiga o tagata a Samoa ua na faia le isi laasaga i luma o le toe aloa’ia faava-o-malo

O le vaiaso talu ai na faau’u ai le Pule o le Scalinis ma o le Peresetene o le “Samoa Culinary Association (S.C.A.), le Alii Kuka o Joe Lam-e avea ma faamasino o le tauvaga tau kuka faatasi ai ma se faamaoniga mai le Sosaiete o le Faalapotopotoga o Kuka a le Lalolafggi (W.A.C.S.).   

O le Faalapotopotoga o Kuka a le Lalolafi o le faalapotopotoga sili lea o tagata kuka, ma o le faauuina o se matatia maoa’e lea ma le faaloalo mo le Alii Kuka o Lam ma Samoa. 

Ae aisea na fai ai e le Alii Kuka o Lam lenei aoaoga fita i le vaiaso mulimuli o Iulai i Niu Sila? O le Aso To’ana’i 29 o Oketopa 2016, na talimalo ai le Faalapotopotoga o Tagata Kuka o Samoa i se tauvaga a tagata kuka o le atunuu e igoa o le Oceania Gas Salon Culinaire, iinei i Apia. 

O le Salona Culinaire e pei lava o le Olimepeka a le lalolagi o tagata kuka.

O tagata e auai e faata’ita’i mo ni masina se tele a’o lumana’i ai le tauvaga i lalo ole vaaiga ma le aoaoina mai faia’oga o tagata kuka. I le aso o le tauvaga, o tagata auai, tulaga mama o umukuka ma tomai tau le pulega faatasi ai ma o latou tomai tau kuka e iloiloina lelei e faamasino ua faamaonia e le W.A.C.S. O le Tauvaga e faigata, o ona tulaga e faava-o-malo ma ua na o le mea e sili ona lelei o mea lelei o le a tuuina atu i ai se pine auro (pe afai e tatau ai)

Mo le Asosi a Tagata Kuka o Samoa e auai i le tauvaga a le Oceania gas Salon Culinaire e tatau ona i ai se W.A.C.S ua faamaonia e faamasino o le tauvaga. O le Alii Kuka o Joe Lam o le a na pasia i le taimi nei ona tomai fou ua maua ma le aoaoina i isi tagata kuka o le atunuu, ina ia latou mafai ai mulimuli ane ona avea ma faamasino agavaa o le tauvaga. I le avea ma vaega o le aoaoina o le Alii Kuka o Lam, na mana’omia o ia na te faamasinoina tagata kuka o loo fotua’i mai e tauva i totonu o le Pacific Region Challenge i le New Zealand Salon Culinair. O ‘Au mai Guam, Fiti, Niu Sila ma Ausetalia na tauva.

O lona faia’oga mo lenei vaega o lona aoaoina o le alii kuka Suetena e ta’uta’ua i le lalolagi o Mr. Gert Klotze. O lona faamasinoina la o lana tauvaga, ua fiafia le Alii Kuka o Lam i le malosi o tagata kuka Samoa. 

 “Sa tatau lava ona faigofie ia Samoa ona tuuina atu se ‘au mo tauvaga a Niu Sila i le tausaga nei. O loo matua galue le S.C.A. i le taimi ne ina ia i ai se ‘au i lea atunuu i le tausaga fou,” o lana faaaliga lea. i

I le avea ma Peresetene o le Faalapotopotoga o Tagata Kuka a Samoa, sa feiloa’i le Alii Kuka o Lam ma isi lava Peresetene o le Pasefika mai Guam, Fiti, Atu Kuki, Ausetalia, Vanuatu ma Niu Sila.

E ui lava ina o le S.C.A.o se faalapotopotoga fou, ae ua una’ia o ia pe faapefea ona tutusa le S.C.A.ma isi lava faalapotopotoga. 

O le “S.C.A. o loo matua galue punoua’i i totonu o polokalame ia o loo faagasolo. Mo se faata’ita’iga-o le Salon Culinaire ia Oketopa, Oka Festival ia Tesema, ma le Samoa New Zealand Friendship Week Restaurant Challenge, lea o loo aafia ai ma le S.C.A.” O isi avanoa uiga ese tau le aoaoina mo kuka a le atunuu i le 2017-ua fuafuaina faatasi ai ma se “avanoa e matua tele tau talanoaga i le taimi nei lea o le a maua ai nisi kuka uiga ese faava-o-malo o loo faatinoina vasega maualuga, mafutaga tau aoaoga ma semina mo a tatou tagata kuka. Saili se avanoa,” o le upu lea a le Alii Kuka o Lam. 

Mo nisi faamatalaga e uiga i le Faalapotopotoga o Tagata Kuka a Samoa, poo afai e te fia auai i le itu tau le lagolagoina o a matou sauniga  faamolemole asiasi i le Facebook page . @samoanculinaryassociation poo le email mai ia i matou i luga o le samoanculinaryassociation@outlook.com. 

© Samoa Observer 2016

Developed by Samoa Observer in Apia