Tuua’ia se tagata faigaluega o se Faletupe i le gaoi

By Pai Mulitalo Ale 13 August 2016, 12:00AM

O se tagata faigaluega sinia o le Faletupe o le Samoa Commercial  Bank (S.C.B) o le a tula’i i luma o le Faamaisnoga Sili i le aso 22 o Aokuso 2016. 

O lea tama’ita’i e 33 tausaga le matua, lea ua leva ona galue i le faletupe mo se taimi umi, o loo feagai ma ni moliaga o le gaoi. O lea moliaga na faamaonia e Alii Ofisa o Leoleo mo Nusipepa, o Su’a Muliaga Tiumalu. 

Fai mai a ia ua uma ona tuuina atu e le Faletupu lea mataupu i Leoleo i le aso 1 o Aokuso 2016 mo se suesuega. O lea tuua’iga tau solitulafono sa faatinoina i totonu o le masina e tasi, lea ua leiloa ai le $123,000.

O le tagata faigaluega ua tuua’ia o loo taga i tua ma ua uma ona faatonuina ina ia saini i le Vaega o Suesuega Tau Soligatulafono (C.I.D.) i Aso Faraile uma. 

Mataupu Tau le Pule i le Ola

O se alii e 17 tausaga le matua mai se nuu i Savaii na maliu i le vaiaso talu ai mai se mataupu talu ai nei o le pule i le ola. 

Fai mai Su’a o lea mataupu na lipotia i le Nofoaga o Leoleo i Tuasivi pe tusa ma le 12 i le taeao o le aso 7 o Aokuso 2016. O lea tino maliu o loo i le Fale Maliu i Tuasivi e faatali ai se suesuega i le mafuaga o le malu. 

Afai e te iloa se tagata o loo feagai ma ni taimi faigata ma o loo faaalia ni uiga o le matua afaina lava i le ono pule i le ola, saili se fesoasoani e ala i le valaau o le 24hr Lina o le ola i le 8003433. 

By Pai Mulitalo Ale 13 August 2016, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>