O loo su’esu’eina e le Matagaluega o le Soifua Maloloina tuua’iga e uiga i le “tulaga uiga ese o oloa tau aano o manu fasi” na maua talu ai nei i totonu o pisupo. Na faamaonia lea tulaga e le Faatonu Sili Aoao o le Matagaluega o le Soifua Maloloina o Dr. Take Naseri, i totonu o se imeli i le Samoa Observer ananafi.

O le ituaiga o pisupo o loo fesiligia o le “Farmers Corned Beef. “O lea taualumaga ua taunuu ai i le toe aveeseina o pisupo ‘Farmers Corned Beef lea na amataina ina ua tuana’i ni faaseā a le atunuu e uiga i le tulaga leaga o lea pisupe faatasi ai ma le aano poo isi mea e ese ai i lo le aano o manu fasi,” o lana faaaliga lea.

“O faamaoniga vaaia ma le suesueina o lea oloa tau pisupe sa faatinoina e Alii Ofisa Tau le Saogalemu o Taumafa-lea na maua ai ni oloa tau aano o manu fasi e le masani ai. “Sa i ai foi se tulaga e le masani ai tau le faaalia o faamatalaga e uiga i ia taumafa.” Sa faanatinatgi ona tuuina atu e le Matagaluega o le Soifua Maloloina o se faasilasilaga e taofia ai le faatauina atu o ia oloa.

 “O le taualumaga tau le taofia o ia oloa mai le faatauina atu na faamalosi a’o auina ai ni vaega o aano o ia pisupo mo le suesueina o ia aano o manu fasi i le S.R.O.S. ma le fale suesue o le Diagnostic Laboratoris  o  Auaunga a le Soifua Maloloina Lautele-Diagnostic Laboratories.”

O le S.R.O.S. o le Faalapotopotoga lea o Suesuega Faa-Saienesi a Samoa. Fai mai Leausa ua uma ona fautuaina le kamupani ma le o loo faatauina atu lenei pisupo e uiga i lea faaiuga ma o le a faailoa atu i ai le taunuuga o nei suesuega.

“O lea faasilasilaga Tau le Taofia o Taumafa o loo lagolagoina e le fuaiupu 21 o le Tulafono o Taumafa 2015.” O le aso 1 o Iulai 2016 na tuuina atu ai se faasilasilaga faalaua’itele e faailoa atu ai i faleoloa o loo faatauina atu ia pisupo, supa maketi uma ma faleoloa e faatau atu ta’itasi oloa-ina ia ‘aua ne’i faatauina atu le pisupo o le ituaiga o le Farmer Corned Beef. “Na talosagaina e le Matagaluga o le Soifua Maloloina le lagolago a le ‘aufai-pisinisi ma tagata lautele e tusa ai ma lenei mataupu taua,” o le faitauina lea o le faasilasilaga.

O faleoloa o le atunuu o loo faatauina atu lea oloa, supamaketi uma ma faleoloa e faatau atu ta’itasi oloa-ua fautuaina nei ina ia ‘aua nei faatauina atu le ituaiga o pisupe o le FARMER CORNED BEEF i tagata lautele se’ia toe tuuina atu se isi faaaliga.

 “Ua fautuaina nei le Atunuu e faapea o le ituaiga o Pisupo o le FARMERS faatasi ai ma le faamatalaga ua ta’ua i luga-e le tatau ona taumafaina.”