Fiafiaga o se tina mo se va’aiga fou i le olaga

By Aruna Lolani 13 June 2017, 12:00AM

E tele avanoa e te mauaina e atia’eina ai lou aiga i nu’u tua.

Sa ta’ua e Fia Vineula o Nofoali’i ma Faleasi’u i le Fofoga o Samoa, e tele lava ni avanoa mo le fa’aleleina o lona aiga ua ia va’ai ai.

Ua tasi nei le vaiaso talu ona nofoia e lenei tina ma lona aiga le fanua ua iai nei.

“O le atoa ai nei o le vaiaso talu ona matou ii, ma sa galue lava i le fa’amamaina ole lapisi,” o lana tala lea i le Fofoga o Samoa.

“O lea la ua ou fa’ata’ita’i le olaga lea, e sili mamao lea ia te a’u.

“Aua fo’i e tele mea e mafai ona e atina’eina ai lou aiga ma tele galuega e fai.

“I le taimi sa matou i tai ai, na o le auala ma tagata e o e faigaluega mea out e va’ai ai.

“A o ii, e mafai a ona ou galuega i le fa’ato’aga aua le totoina o fualaau aina ma ta’amu.

“O lesi mea e lelei ai, e te maua a mea’ai mai le fanua ma le ma’umaga.

“E lelei fo’i le ‘ea ii ma e toe filemu, leai se pisa.

“O lea fo’i e fa’atali le aumaiina o le matou fale sima lae i tai e fausia ai le matou fale lea, o laupapa ma apa ma isi mea fa’apena.

“O lea fo’i ua uma ona talosaga le matou vai ma le eletise e fa’aola mai aua e mana’omia lava le vai.”

Sa ta’ua e Fia o le tama o le aiga e faigaluega ave ta’avale i le malae va’alele ma e le lava le fa’asoa i le seleni na te maua.

“E tele a le fa’asoa ae laitiiti le tupe ma o lesi fo’i itu na sa ma tilotilo ai, pea manuia le atina’eina o lenei fanua ua iai, ia ona ave uma lea o le ma’ua malosi i faiga o mea toto aua e sili atu ai le seleni e maua mai ai.”

By Aruna Lolani 13 June 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>