E leai se mea e maua ma se filemu

Tusia Fetalai Tuilulu’u ma Aruna Lolani ,

66 Hits

Aua le ola fa’alagolago: Fa’iilagi Togafau o Utuali’i .

Aua le ola fa’alagolago: Fa’iilagi Togafau o Utuali’i .

O le maua ai o le fa’atalatalanoaga le Fofoga o Samoa ma le tinā ia Fa’iilagi Togafau o Utuali’i o lo’o aga’ai e fa’atali le fanau mai le faifaga faiva. 

“O matou ia e ola lava le sami,” o lana lea tala i le Fofoga o Samoa. 

“E fai lava faiva. O matou e ave lava upega maua ai le tupe i le aso. 

“E to’a valu le fanau, o nisi o lo’o aooga, o nisi o lo’o faigaluega ae le gata foi i lea o nisi o lo’o i Atunu’u mamao. 

“Ia sa faigaluega muamua le to’alua, ae ua manuia loa le fanau ua le toe alu ai loa aua foi o lea ua maua le fesoasoani le fanau. 

  “O si o’u tugane matua lava ma si a’u fanaua o lo’o feagai ai nei ma le fa’atinoina o le galuega. 

Sa tauā le tinā faigata le faiga o le fatuaiga tausi. 

“I lo’u lava ia iloa iai, e faigata lava le olaga i le tauamataina o le faiga o le fatu aiga tausi. 

“Ina ua maua tamaiti sa faigata lava le fa’atinoina o le tausiga le fanau, o le tele o taimi e leai ai se tupe. 

“Ia ae peitai o le galue malosi lava, sa fa’alagolago lava e sami. 

“E o’o mai lava le taimi nei, e ui lava ina manuia le fanau ia o lo’o alu pea le tama e faogata e fesoasoani ai.

“O nisi o taimi e fai ai fagu sea ma fa’atau aua foi sina tupe fa’asili. 

“E matau tupe lelei lava le fagota, o le ala foi lea o le manuia o le fanau ua iai nei. 

“O le fanau lava e ave ai le fa’amuamua i la aso ina ia manuia ma ia aua nei ola fa’alolo. 

“O nei aso, ua alualu lava I luma suiga ma ua tau au na le iloa ai le va ma tagata, o le naunautaiga lava o  matua pei o maua ma si o’u to’alua ia maua ni lumana’I manuia o le fanaua, ia iloa ola ma ia maua le fiafia. 

“Aua nei ola fa’alagolago ma ola samasamanoa ae ia ola ina ia mafia ona maua ni matua sili mo aiga, nu’u ma ekalesia. 

“Ia e tusa lava po le a le mativa ma le le tagolima o iai nei le soifuaga, e alofagia mai lava le Atua le tagata ma lona naunuataiga. 

“O le ave lava o le fa’amuamua le mea taua ona ave ai le fa’amuamua. 

© Samoa Observer 2016

Developed by Samoa Observer in Apia