Se isi ‘auala lelei

Tusia Fa’aliliu e Maiava ,

94 Hits

Toe mafaufau tasi lava…Ua silafia uma, toeitiiti o galuega ma atina’e lelei uma i le lalolagi nei, sa faia e i latou fo’i ia e lē-fa’amalieina-gofie i se mea e fai, “tau lava ina lelei.” Fai mai Le Susuga a Francis Bacon: “Fa’atoa iloa lava le lelei o le akoge ma isi la’au fa’amanogi-mea’ai, ina ua fai e le tagata le falaoa.” Afai la ua e faia se galuega lelei, ‘aua le gata ai i’ina. A ua e le maua lava se isi ‘auala fou po’o nisi fo’i mafaufauga e ‘ese atu, sa’ili loa se ‘auala e fa’aleleia atili ai se mea tuai na faia muamua. Fai mai le isi ali’i: “O le ‘ese’esega o le ‘lelei masani’ ma ‘lelei uiga ‘ese’, o le tama’i taimi e fa’aopoopo i le fa’atinoga .”   

Manatua, “O le fili lava o le numera tasi, le numera lua.” Afai lava ua fa’amalieina ‘Oe i le lelei ua e ‘ausia ma ua iai, e le mafai lava ona e toe ‘ausia se isi lelei i luga atu. Fai mai le isi faia’oga ta’uta’ua o ta’aloga: “O le mea aupito taua, o lou iloa atoa o mea e tatau ona e iloa… Ne’i tatou manatu ua iai, ae ‘emo ane ua matua mamao lava i tua ua tia’ina ai tatou.” O tagata sogasoga ma malamalamala lelei, e tatala lava le mafaufau i avanoa e fa’aleleia atili ai galuega ua mafai ona latou fa’atino. “Moni o lo’o tatou soifua uma i le lalolagi e tasi, peita’i, e le tutusa uma ogasami o va’ava’ai iai.”O le fa’alauteleina o le ogasami e tilotilo iai, o lona uiga, o le a tele ai fo’i le va’ai mo avanoa e manuia ai i o tatou si’osi’omaga.    

Na suia atoa le silasila a se tasi o tina, aga’i i le olaga, ina ua la feiloa’i i se fale’aiga ma le tusiata lauiloa i le lalolagi, o Picasso. Na talosaga ia Picasso, se’i ona tusia se ata mo ia, i luga o lana solo-fafano-pepa. Na totope le peni a Picasso mo se mea-vave, uma loa fai atu i le tama’ita’i: “Ia lea, na o sina $10,000.” O le fa’ate’ia o le tina lea na fa’apea atu ai i le ali’i: “Ae na o le tolusefulu lava sekone na e tusia ai sia mea!” Tali Picasso: “Leai tina, 

Tofu tatou ma mea’alofa ‘ese’ese mai Le Atua. E mafai ma tatau fo’i ona tatou taumafai e a’oa’o ma fa’aleleia atili ia meaalofa ma taleni i lo tatou soifuaga atoa. Afai lava ua lelei i lau va’ai ma lou iloa sau galuega na faia ananafi, o lona uiga e le’i tu’ua iai lau fai mea silisili i le asō. ‘Aua le na o le fa’apea “na ua iai” ae finau atili mo le isi maualuga i luga atu, i aso ta’itasi.  Manatua: “Ina ua fa’atupu ‘Oe e Le Atua, e te le’i toe mimigi lava ma toe fo’i i tua i ou foliga ma le tino sa iai muamua.” Lena lava e te tupu ma lapo’a ma atili lelei, nai lo le taimi muamua.

Ae a lou tatalo loa ia Iesu e fa’amagalo ‘Oe ona o lou le ola i le ituaiga soifua Na ia saunia ‘Oe e ola ai?  Tatalo ina ia pulea atoa e Ia lou ola ma fesoasoani ina ia amata ona e ola i Ona ala lelei i aso uma. E na o Ia lava e toe fa’afoua ‘Oe ma avea o se tagata fou na Ia saunia e ola ai. Toe mafaufau tasi lava… 

© Samoa Observer 2016

Developed by Samoa Observer in Apia