Manumalo Egelani ia ‘Ausetalia

Tusia NZ Herald ma Fa’aliliu e Maiava ,

111 Hits

Fa’aalia le agaga fiafia o tama taaalo o England ina ua malolo ai Ausetalia i sikoa 28-39

Fa’aalia le agaga fiafia o tama taaalo o England ina ua malolo ai Ausetalia i sikoa 28-39

Ausetalia 28

Egelani 39

Toe fo’i mai lava le faia’oga muamua o le Wallabies - o Eddie Jones e fa’afaia’ina lana ‘Au tuai, i se ulua’i ta’aloga-faitaulia aupito logologoa mo Egelani i le Malae o Suncorp Stadium i le Aso Toona’i talu ai. 

E le gata ua ‘ausia ai e Jones ma le vaega lo latou manumalo lona fa (4) ia ‘Ausetalia ma le ulua’i fo’i lea i totonu o Brisbane, a o le taimi muamua fo’i lea ua o’o ai ni o latou ‘ai i le 39, o ‘ai aupito maoa’e ua ‘ausia e Egelani talu ona feto’ai ma le Wallabies a Ausetalia. 

Na matua fa’afiafiaina le faia’oga o Eddie Jones ina ua malo ma fa’apea mai ai, e mautinoa lava, o le ‘Au a le Wallabies lea ua matua nofo-popole i le taimi nei a’o foufou atu mo le ta’aloga faitaulia lona lua e faia i Melbourne i le fa’ai’uga o le va’iaso nei. 

“Ua matua tele fa’amatalaga ma mafaufauga fa’aalia i le ‘Au a le Wallabies,” o le fa’aaliga lea a Eddie Jones. 

 “O latou na tulagalua i le Ipu a le Lalolagi talu ai nei. E le o sina tama’i-faia’oga fo’i le latou faia’oga ma e matua maualuga le va’ai iai a ‘Ausetalia fa’apea fo’i le lalolagi atoa ma e mautinoa fo’i le matua fa’ananau i le ta’aloga i le vaiaso nei.” 

O le a malaga fiafia atu Egelani i le itu i saute o le atunu’u ae na ta’ua e Jones, afai e fa’ananau lana ‘au ia manumalo uma i ta’aloga faitaulia e tolu, e tatau la ona si’itia ma fa’aleleia atili la latou ta’a’alo.

Na ulua’i maua lava ‘ai e 10 o Ausetalia i le amataga o le ta’aloga, ae uma ane ua ta’ape ma le la na saesae nini’i e turisi-Egelani, i le ogatotonu o le ta’aloga.

E fa sikoa a le Wallabies i le tolu a Egelani, ma o lo’o manino lava Jones, e ono iai se suiga tele o ‘ai i le ta’aloga o le vaiaso nei. 

“Ua fiafia lava i le i’uga o le ta’aloga ae le’i lelei na’ua le matou ta’a’alo,” o le fa’aaliga lea a Jones. 

“Ua tele sikoa faigofie na latou maua ma e tatau ona fai iai se galuega i le pu’e ma le puipuiga.

“A’o lenei lava aso, ua alu i le tala-fa’asolopito ui e le’i matua manaia tele mo matou. E taua lava le ta’aloga o le vaiaso nei.”  

Ausetalia 28 (M. Hooper 2 sikoa, I Folau, T Kuridrani na sikoa; B Foley, 2 a’a o sikoa na ova, 2 sala na ova)  England 39 (J. Joseph, J. Nowell, M. Yarde na sikoa; Owen Farrell 3 a’a o sikoa, 6 a’a o sala na ova). Afa o le Ta’aloga: 13-19.

© Samoa Observer 2016

Developed by Samoa Observer in Apia