Faaaoga taleni saili ai manuia mo aiga

Tusia Seia Soloi ma Aruna Lolani ,

63 Hits

Sanele Ameto.

Sanele Ameto.

E eseese lava tagata ma o latou taleni i lenei vaitau i le sailiiga o seleni mo le atia’eaina o aiga ma fanau.

Mo le tama ia Sanele Ameto, e fai lana fale-aiga e faatau ai kekepua’a,pani ma isi lava meaai mama mo le sailia lea o se seleni a lona aiga

O le galuega fai-faatasi lea a Sanele ma lona toalua o le faia lea o le la fale-aiga e faatau i le aoga tulaga-lua a lo latou nu’u

O le manatu o Sanele o lana taleni ma lona agavaa lea o le gaosia o itu i meaai mama e ala atu ai sana auauanaga i le atunuu pe a maua sana galuega i le lumanai

“E leai ma se tagata na tuuina maia i le lalolagi e aunoa ma se mafuaaga tatau ma lona faaaogaina e aoga uma lava” o lana tala mai lea i le Fofoga o Samoa

“O la’u taleni lea o lo’o maua ai tupe mo le tausiga o lo’u aiga ma la’u fanau e to’a fa o lo’o ao’ooga i le tulaga-lua a le matou nuu

“O lo’o faia ma o lo’o faatauina atu i tamaiti o le aoga pe a malolo e tele galuega e moomia ai e faia ae o lo’o onosai lava ona o se manuia o fanau

“Out e fiafia ai aua o lo’o aai ai foi la’u fanau i lea aso ma lea aso aua o lo’o ao’0ga foi iai ma o lo’o fiafia ai lava iai

E toafa le fanau a Sanele ma o lo’o ao’oga uma i le tulaga lua a le afioaga o Satapuala

“E maua lava le selau-tala i le aso ma ii le ma faleaiga ma o le itu muamua lava e vaai ai o mea o lo’o moomia mo le ma fanau

“Tele faitioga tagata faimai e faigofie toe faigata le olaga i e taimi e tasi ae o la’u mai iai o le tagata lava ia ma lona le galue malosi

“I lenei vaitau e moonia tagata o lo’o faia tala ma savavali iai ae le’o na’o le faalele solo

O Sanele o ia o se tagata galue malosi mo lona aigama o lona naunautaiga foi lea ia avea lona agavaa ina ia maua ai sana galuega i le lumanai

“Ou te le manao foi e faamaimau la’u taleni ma mou atu i se nofoaga se tasi aua out e talitonu e tele avanoa o lo’o i le lumanai aua le faaleleia

“O lo’u naunautaiga lena i le lumanai ina ia mafia ona ou faigaluega i se fale falaoa e faaaoga iai le agavaa ma le taleni ua iai

“E le tele se ma seleni e maua mai ai ae ua pau lea o le auala e maua mai ai le seleni mo lo’u aiga

“Ia tatau foi ona tatou iloa ia ola ma iloa ia iai lava se mea tatou te faalagolago iai aua a misi ua leai atoa se faamoemoe mo le aiga ma fanau

© Samoa Observer 2016

Developed by Samoa Observer in Apia