O le a faatau atu le va’a Siamupini

Tusia Lanuola Tusani Tupufia ma Faaliliu e Seagaitumua Tupuola ,

195 Hits

FOR SALE: Pauli Ivan Williams and the crew of Le Tolotolo o Tama Uli. This long boat is for sale for anyone from Samoa or American Samoa.

FOR SALE: Pauli Ivan Williams and the crew of Le Tolotolo o Tama Uli. This long boat is for sale for anyone from Samoa or American Samoa.

O le fautasi sa taualo e le ‘auvaa o Le Tolotolo o Tama Uli mai Salelologa ma maua ai nisi o manumalo –ua aloa’ia ona tuuina atu i le maketi mo le faatau atu.

O lea faaiuga na fai ina ua mae’a se fono a le komiti o le ‘auvaa i le lua vaiaso talu ai lea na latou talanoaina ai le ono mafai ona tauva i sauniga faamanatu o le Tuto’atasi o le tausaga nei. 

O se vaiaso i luma atu o le faalauiloa a le Palemia e faapea ua faaleaogaina le tuuga fautasi faaleaganuu ona ua le fiafia i ai tagata, na fai ai le tonu a le ‘auvaa latou te le tauva i le tuuga-fautasi o le Tuto’atasi. Ae peitai-aisea  ua tuuina atu ai le fautasi siamupini mo le faatauina atu i le maketi? 

Fai mai le Kapeteni o Pauli Ivan Williams o se faaiuga faigata lea..Na toe ta’ua e Pauli e faapea ae latou te le’i faia le faaiuga ina ia faatau atu lea vaa, o se tasi o atugaluga na lāgā e le Failauusi a le komiti o le le leai lea ona tauia le ‘auva’a.  

“Na matou lagona e faapea o le faamoemoe atoa o le auai i lea tauvaga-o le saga faaleleia lea o sootaga ma isi ‘auvaa, toe faaolaola le taaloga faale-aganuu ma lagolago le taumafaiga a le malo,” o le faaaliga lea a Pauli. “O le itu e faanoanoa ai, ua matou vaaia le tulaga ua tula’i mai-e matua tu faafeagai lava.

 “Ua vaevaeina ai ‘auvaa ma ua pogai mai ai eseesega i le va o isi tagata. Aisea la e saga faaauau ai pe afai o tulai mai ai ni mataupu-ae o lea e mafai ona matou faatau atu lea ma o le a lava le tupe e maua mai ai o le a faaaogaina mo le atiina a’e o le lakapi ma le kilikiti i totonu o le nuu poo faatoaga a tagata.”.Na faailoa mai e Pauli e sili ai ona lelei pe a tuutasi le mafaufau i se mea lea e mafai ona siitia ai le nofo fealofani ma le to’afilemu i le va o tupulaga talavou.

Ina ua talosagaina ina ia faamalamalama mai lana faaupuga o le le lelei ona tausi le ‘auvaa, fai mai Pauli na lagā e le latou Failautusi o Pauli Apelu Junior-ni atugaluga e uiga i ni faalavelave talu ai nei ia aafia ai nisi o le auvaa.

I le faagasologa o le faamanatuina o le 50 tausaga o le Tuto’atasi, na fetaui fautasi o le Little Rina ma le fautasi o le Tolotolo  “E leai se mea tele na faia i ai,” o le faaaliga lea a Pauli. “Sa matou lagona sa tatau ona i ai se mea e fai i lea faalavelave e leai lava. “Sa i ai foi le isi faalavelave na tupu i le 2014 a’o lua o matou fautasi, o le Tolotolo ma le La o le Talalelei lea na feto’ai ma le Don Bosco.

 “O le taunuuga o lea tulaga-o le faaiuga a le komiti fai mai e le tatau ona toe sili atu ni fautasi i lo le lua mai se nuu-na toe sui ia ulafono.” Na toe ta’ua e Pauli o le lagona o le ‘auvaa e faapea o ia tulafono na fuafua mo i latou” ae le o isi.”

Fai mai a ia o le faiga e mafai ai ona taofia ia faafitauli i sauniga faamanatu o i luma o le fai lea o se fono pe a uma le Tuto’atasi-ina ia mafai ai ona talnaoaina ia mataupu ma fo’ia ae le o le taatia ai pea i luga o le tafā-ala.

O le isi popolega na ia ta’ua o le ‘auvaa lea ua faa-fa ona manumalo i sauniga o le Tuto’atasi ae le’i vala’auina lava e tauva i le aso o le Fu’a i Amerika Samoa. Na ia faamatalaina e faapea o le faiga masani o le auvaa e manumalo i le Tuto’atasi na te maua le avanoa e tauva ai i totonu o le teritori. 

“E leai se taimi e tasi na valaauina ai matou,” o lana faaaliga lea. “O le isi mea o le ‘auvaa e manumalo e masani ona ia maua se Ipu Tele, latou te maua le isi ipu ina ia latou taofia ma le tatou tagavai msani. Ina ua mavae lo matou manumalo muamua i le 2011-e le o toe faia se mea faapena.”.

Ona o ia mafuaga, fai mai Pauli ua latou lagona ua o’o mai le taimi e faatau atu ai le “vaa siamupini” ae faaaoga lo latou taimi i totonu o isi vaega. 

Na ia faaaogaina foi le avanoa e faalalolalo mai ai- i e lagolagoina i latou ma nuu ona ua le mafai ona nonofo ai pea e faaauau le taaloga. Sa faafetaia e Pauli le lagolago a le nuu ma e lagolagoina i latou ia sa tumau pea ia i latou. Ina ua fesiligia pe fia se tau latou te faatauina atu ai lea vaa, fai mai Pauli e mafai lava ona fetuuna’i le tau.

O le Tolotolo na fau e le Tufuga iloga o Mulipola Faalili o Salua Manono i le fa tausaga talu ai. O lana tuuga muamua o le 2011 lea na mua ai ma manumalo i le Tutoatasi lona 49. O le 2012 na pa’ū a ii lalo i le tulaga 5 le vaa ina ua uma ona feto’ai i le sami ma le vaa o le  Don Bosco 200.

© Samoa Observer 2016

Developed by Samoa Observer in Apia