Ua tele le suiga o le ‘Au Ta’ito’afitu

111 Hits

Tila Mealoi.

Tila Mealoi. (Photo: Photosport)

Tu’ufa’atasia: Ilia L Likou


I le polokamalame a le ‘au Tusitala lea na fa’atauataia e le TV1, o lea le tulaga na fa’ailoa e le Afioga i le Ali’i Palemia ina ua fesiligia i sona finagalo fa’aalia e fa’atatau i le ‘au a le atunu’u.

“O le mea lea ua i ai la tatou ta’ito’afitu, o lea ua tele lava le suiga lea ua i ai ua toe maua le mataalia maua le saosaoa maua le malosi e taalo ai mo le 80minute.

“ O le isi mea o le malosi o tama i le pu’e ma le una’i, o le mea lava lea sa vaivai ai tatou, ia na o le alu atu e punou e tamoe mai lava le Fiti sua oe e taliaga,

“Ae o le mea lea ua i ai tatou ua mafai ona tamo’e atu sua le Fiti ona palasi lea o le Fiti o mea la nei o mea uma e maua mai le lava o le manava, o le koleni, lava le malosi.

Na ia fa’ailoa le taua o le fa’amalosia o maso o le tino.

 “O le maso foi ia e maua le mea lena i lou toaga e si’isi’i u’amea mamafa ia na oso ai lea o maso e le gata i maso o lima o fatafata o maso o vae ia ma maso o tuaua.

“E fiu a lesi vaega e kalave atu oe e tele ila, aua o lea ua fefete maso o le ua ma le tuaua talu o le koleni, aua o le mea lena, e tolu ituaiga maso e tatau ona e fa’amalosia.

“ O maso le itu lea i luga lea e lavea ai fatafata o lima, e i ai le manava o mea na o ituaiga fa’amalositino e fa’amalosia ai maso o le manava, o  le nofo i luga, o le sit up , o le taoto sit up.

“ia maso o vae e alu atu i ogavae e tau i  atevae, ia e oso i le si’isi’i u’amea mamafa o le si’i i luga, fa’atu, si’i i luga fa’atu, o le tele o maso e matuai a’afia e oo ina motusi pe a mamafa lau si’isi’i.

I fa’atalatalanoaga lava ma le Palemia talu ai na ia fa’ailoa ai e fa’apea E le’o mama i le Iuni Lakapi a Samoa (SRU) le tulaga faigata ua oo iai le faagaioioiina o ana fuafuaga ma polokalame mo le faatumauina o le lelei ma sologa manuia itutino uma o le Iuni.

Peita’i na faamalamalama manino e le ta’ita’ifono le Afioga Tuilaepa Dr Sailele Malielegaoi i lana polokalame o le Taimi ma le Palemia mafuaaga o nei mau faafitauli o loo mafatia ai le Iuni Lakapi.

 

E le gata i lea o le malaga taamilo ai o le Manu Samoa 15 sa i ai Matū i ana taaloga e tolu i le fa’aiuga o le tausaga ua mavae aemaise o le tali atu i tuuaiga a le Iuni a le Lalolagi (World Rugby) lea o loo faamanino e le ta’ita’ifono le aveseseina ai le’a o nisi o mataupu o loo fesiligia ai le Iuni Lakapi a Samoa (SRU).

 

O le fa’atalatalanoaga lenei i le tausaga ua mavae i le polokalame ma le Palemia.

TUILAEPA; “E le’i mae’a si a matou mataupu, o lea e tapena le tali e ave iai. O le mataupu lea e lagā e latou, e telē a le aveseseina. O le mea mo’i a, mo le tausaga lenei o le tatou paketi, poo le tupe atoa a e moomia, mo le faagaioia o taaloga uma a ia e faatulaga mai e le Lakapi a le Lalolagi, iai taaloga ia ta’i toa 7, e iai ia malaga lea e alu i fafo, e aofia ai ma le tulaga i le totogina o pasese, o inisiua, alauni o tama, a? e aofia ai ma totogi o le au faigaluega ia ma totogi o palagi foi ia e aumai e le world cup, e iai le taimi oute toe faamanino atu ai tusitusia, ae o le aofai uma a o le tupe lea e faagaioi ai le tatou lakapi a le Iuni, tusa e 11miliona tala, o le 11miliona tala na, na o le 4.6miliona lea e aumai o le Lakapi a le Lalolagi, a o le 6.2miliona lea e faagaioi ai ia le lakapi o tupe a saili tupe a le tatou Iuni.”

“O lona uiga o sailitupe ia e iai ia foai a le tatou malo, seleni mai le tatou Digicel ma le Bluesky, tusa la e tolu alatupe na ia ma nai mea la ia taipei o le tatou uokafoni lea la o le tatou paketi, e le o mafai ona kava uma le 11miliona le na i le tausaga, tusa na o le 10 ma ona tupu miliona, a o le paleni la e tatou te o aitalafu ma i le faletupe, a? ae ia manatua foi la o le isi lea tulaga taua, e manatua o le tele a o mea ia e faatino nei e le’o mafai ona kava e le Lakapi a le Lalolagi ia tupe uma ae alu lea la e na o le pau na o le telē o le latou seleni lea e aumai, ona saili tupe lea o tatou a le lava faaatoa mo mea o nonogatupe i le faletupe, o le mafuaaga la lena, lea e iai la’u faasilasilaga lea na alu o le tatou Iuni, mo tausaga e lima ia talu ai o lea lava e faalagolago a i nonogatupe mai le faletupe e faalava ai le laititi o tupe ia latou te aumaia, a? mea na e le o malamalama i ai le toatele.”

“O le isi mea, o le tele o tupe e le aumaia, e nonofo a latou totogi sa’o ane a i o ona ta’u mai la ea, ia o le mea lea le na alu i pasese o tama, o le mea lea na alu i inisiua o tama, a? e na o se vaega foi la o le inisiua, na o le inisiua a e kava ai le taimi lea o taaloga, ae le o kava atoa ai le inisiua o lea e pei e tatou, a? ia se vaega tele lea.”

“O le tulaga la le na, lea e mafua ai le matou feeseeseaiga, i tofiga la ia o faiaoga, ua uma foi la ona, ave iai le tusi i o, e ta’u iai, o le to’a fitu le na interview, ma aumai i luma o le board, e le’i fautuaina Fuimaono, a o le vaai la a le komiti iai, e leai se isi o le to’a fitu lenei e pei o Fuimaono le record, a? i le tele o au na malo i lalo o le taitaiga a Fuimaono, aemaise o le tai to’a fitu, ae manatua foi le isi malo tēle a i Hong Kong, lea na malo ai le tatou ta’i to’a fitu na malolo ai Fiti ia tatou, a?”

“E oo foi la i le taaloga, i le taimi lea na taaalo ai taotu e tapena ai mo le ipu o le lalolagi lea na fai i Niu Sila, o Fuimaono lea na faiaoga i le tatou au i le taaloga lea na malolo ai ia Ausetalia, a? O le tele a la o mo mea o coach a atunuu e taipei o Fiti, Toga, tatou e leai se coach na te ausia le record a Fuimaono.” 

“E le faapea la o faia pogisa le iuga o lea e fai e le tatou komiti le iuga e lelei mo Samoa, a? Ia ma le isi mea, a oo ina faaletonu le au, ia o matou la nei e talitalia le tele o upu leaga e lafo mai e le atunuu, a o la na o le nofonofo i o, a o le mea la e manao iai fai mai matou te mananao e ave lea, ia o le tulaga foi la lena aumai le fautuaga a le komiti foi lea e fautuaina ia, taipei la ona latou le filifilia ia Fuimaono ae matou tilotilo atu matou o matou le iloa ia gaioiga a latou uma lea e sili mamao atu Fuimaono.”

“Ma le faaiuga foi lea na matou faamaloloina ai ia Damian, a? le Kanata foi lea, ona ua ia le ausia ia le agaga atoa, le faamoemoe atoa na mafua ai ona matou tofia, o le alu e ave le au a Samoa i o le Olimipeka, a? ia o le au pito sili lea ona vaivai o Spain, ae tatou faiaina ai, toe itiiti a tatou malo, ia maea loa lava ia le taaloga, manatu loa le iuni e leai se aoga o lea tamaloa ia tatou, e le maua ai se malo, ua iloa foi e te filifilia, soo se iuni a le lalolagi, e tasi a le mea e fiafia i ai, e fiafia i le faiaoga e maua ai le manumalo, ae matua le fiafia a soo se iuni, Ausetalia, Niu Sila, a?  ua fia ia faiaoga e alu alu a faamalolo lea faiaoga e Aukilani, alu alu a faamalolo ia lea faiaoga i Aukilani, aua foi e le o maua ai ia se malo e Aukilani, o la e saili a Aukilani poo ai le faiaoga e maua ai le manumalo faapena foi la ma tatou. a?”

“O Niu Sila foi ia e tasoso loa a faiaina ia faamalolo foi ma le latou faiaoga, o le mea lea e tulai mai pei e iai le agaga foi lea, o tagata Samoa e le iloa aoao le lakapi, a o le iuga la o lona uiga e manao e aumai a palalagi, aumai palalagi, a? e le aofia ai si toeaina lea o Tietjens lakou la e lelei a lana faafoega o le tagata ua leva, masani foi i le ituaiga mafaufauga o tamaiti i Samoa, a? a o le toatele o aualii ia e matua le malamalama, aemaise mo mea o afiafi o faigalotu, a? o le alii lea e le fiafia tele i le ituaiga uiga ia, e oo foi i le o atu o nai a tatou tama ia o Brian ma leisi toeaina foi lea o Masunu e o atu e fesoasoani e musu foi e alu a ia, le alii lea o Damian.”

“E oo i mo mea o feau foi ie e avatu iai faasamoa ae masalosalo ai foi, ia nofo foi ma faasa, a? e iai a la tatou tu ma aga foi ia e iai ia coaches papalagi e matua le fiafia iai aemaise foi o le le malamalama o tamaiti i a latou nanu, a? le ala la le na e taua tele ai ia tatou foi faiaoga ua malamalama i le mentality o tamaiti, ia o le ala lena matuai o’u fiafia iai i a i le taaloga lea a tatou ma Sikotilani, e ui a ina malolo ae matua maoa’e a le taumafai a le au, a? ma o le mea mo’i a na toe faaopoopo atu ni nai minute masalo e malo a tatou, ia la ua kilokilo a foi iai, i le tagata e musu, a? lea e tete a i faiaoga, la ua tilotilo iai, e sili mamao aku a i le toatele o a tatou faiaoga ia sa iai.”

“Ia! O le tasi lena vaivaiga tele a o lakapi a le lalolagi, a o tatou i Matū, e ave uma a e latou ia le tupe e maua, ia o lona uiga i le 67 afe lea, a? oka oka oka, ia o lona uiga a 100 pauni i le tau o le tickets, a? ia lona uiga e 6 i le 7miliona pauni, ia manatua la i le taisi le pauni ae $5 tala, 67 ia tuu loa iai ma isi a latou, pe ova i le 10miliona, pe i le va o le 10 i le 20miliona le latou tupe e maua o pauni, ae le ai ma se tatou sene e tasi e maua mai ai.”

“Le ala foi la lena i le taaloga lea ma Enelagi, la na ave iai le tatou talosaga, alii aumai sina matou mea, e le taugofie ia mea ia matou.”

“Ia lea la ua aumai le latou, lea la aumai se 100 afe tala, ae sili atu ona tele le taaloga lea la iai ma Enelagi, a? leiloa poo o Enelagi pe maua se 30miliona, aua lea ua e vaai iai, o le taimi a e taaalo ai le Manu Samoa, a? i le vaai a le tagata le la e pei a o le All Blacks, ona o le mea lea ua tele au tetele ua malolo i le Manu Samoa, lea la e soo se taimi a, e le mafai ona galo ia Peretania i le faiga o le au a Uelese e le tatou Manu Samoa, soo se taimi a la e alatu ai le Manu Samoa matua tumu, a? e lulu’u; ae le ai se tatou mea e maua, ona o le faiga faavalevalea lea e pulea e le Lakapi a le Lalolagi, e ave uma i le Iuni o la e tali malo ae a omai la iinei, na o le o mai foi lea o tatou lea e tali malo, a? e 10 afe, 20 afe tala, ia se’i vaai? ae ana faapea e fea le faiga o le faasoa, afa afa, a? e tasi a le tatou o oga, o le tatou o atuga a lenei tatou te omai lava le tupe pigi ai le tausaga fou ma le isi tausaga.”

“O le a le mea o le a tuu ai le fia o, ae o uiga na ua pei a o mo mea o taaloga foi ia e fai i aso la, e avatu mo mea o pagota foi lele tau ma isi pagota ae talie le aualii ia e maua a latou tupe, pei la o le mea lea e tupu ia tatou, e o atu tatou e faataalo i o ma maua a latou tupe, ae na o fuamoa a tatou mea e maua.”

“Enelagi; a? lea na logo mai a’u na maua mai ai le seleni, na tatou tusi iai, ia ae le’i o’o mai la se faamatalaga ia Sikotilani ua tatau ona maua mai a le o tele o le 67 afe matua tumu a; ua tatau la ona maua mai sina tatou mea, a? o nei mea na’o mo mea o pinati mea ia e tatou te maua, o le ala foi la lena lea e matuā fai ai ai finauga ma le, a? a o le mea lea foi tatou te faaogaana le, ia media. E pei e le’i uma la si a matou aiga tuava o lea e fai a,,,lol”

“Leai o mea uma na o lea o loo faatalanoa, lea e iai le faamoemoe e malaga iai se toa lua ea pe toa tolu, e o e faatalanoa se ituaiga malaga foi lele e o atu, a? pei o le alu lea e alu ai nei le Manu Samoa e o atu lea fai sina taaloga, ma le au a Saina, a? ia leiloa pe tele atu la le tupe a tama lena, ia na saini ai lea o sina feagaiga foi lele afa matou afa outou, a? ia lea a, e le o nofonofo foi le iuni o lea e gaioi le Iuni, lea e gaioi le iuni, ae tele a mea lea e taumafai iai le tatou Iuni.”

“E le faapea e leaga uma ia officials, a’o le faalavelave lea iai le vaega lena lea uua tupe, a? lea foi la na ave iai la’u tusi i le taitaifono, se’i tilotilo ifo i amio a tama ia, ia lea la ua pisa nei ina ua pisa le au tusitala, a? i lea la ua alofa mai ma isi ia tatou, ona o le tulaga lena lea foi la e; sau le latou faasilasilaga e uiga i lau faasalalauga lea na alu atu e faapea e sese la’u faasalaulauga, a?”

“La e totogi e latou ia le inisiua, ia lea foi la e ave iai lau tali, na fai lau faasilasilaga i le aso 7 o Novema, faalautele ai, ua faaletonu a le matou tulaga tau tupe, ona o le tou taofiga lea i se tulaga e le talafeagai, a? ia; mo tulaga tau inisiua ua tou taofia, o le matou la manatu tou te le totogia le mea, na alu ai loa lea o lau faasalalauga lea i le aso 7, a tuu loa la i le suiga o sone foi ie, tusa o le aso 6 lena i Lonetona, lea la ua alatu loa lau faasalalauga tou nonofo loa lea i le aso 8, ma logo mai o lea ua tou totogia, ae logo mai la i le tusi, e ese o lea e faapipii mai, pei e foliga mai na tusi i le 3, ae leai se isi o matou na talia, ia lea la pei e malie ai le mea, ua alu atu loa le faasalalauga lea, a? nofo loa ma faasilasila mai leai la lea matou te totogia inisiua o tama ia, e sese la lau faasalalauga, a? na latu lea o lau faamatalaga leai o na e sa’o le faasalalauga, ona na fai la’u faasalalauga i le aso 7 a’o le aso 6 lena i na i Lonetona, tou maua loa la’u faasalalauga, kakope na sau la outou faasilasilaga i le aso 8, ae nofo ma back date se tusi faapea na aumai muamua, e le’i maua e le lakapi iinei na fai mai ai, o le a outou totogia ia inisiua, ona tou toe faaapea mai lea e tatau ona faaalu sa’u faasalalauga e faasa’o ai le sese lea, ou fai atu e leai se mea e faasa’oa o la na sa’o lau tautalaga na fai i le aso 7, lea na alu atu loa tou maua i o i le aso 6, a? ona o le feeseeseaiga tou nonofo loa ma tatope le faasilasilaga lena, a na pei e foliga mai sa tou faailoa mai i le aso 3 o Novema, a? ae faaali mai i le aso 8 e foliga mai e sese, na e sa’o lelei la’u faasilasilaga e le o sese. Ia o lea a e faagalolo a nai a matou aiaiga kuava e le’i uma lol.”

“O le mea taua, a? o aso ia i tama ia, a alu atu la’u fesili e le tali mai, alu atu la’u fesili e le tali mai, ae tei ai ua vaai vaai mai soo le aualii ua alu sao, alu atu a ma faasalalau, ua amata loa na lagalaga ia faatoa amata loa lea ona amanaia mai ia nai a’u ‘āū ia e tafana atu iinei. Ia lea a e aoga ia le au tusitala.”

“O le faafetai lena, ua alolofa tagata i le tatou tagi talatala, ia ma le fiafia a o tagata i le Manu Samoa. Ia lea foi la ua tilotilo atu o ua ese le mea lea ua iai le Manu Samoa ua matuā lelei a, ia la e e tusa pe malolo a ia vaai atu tagata, a? o le tauiviga lea na fai e matua maoa’e a, ia pau a o nai mea foi ua sasi, ia o le isi vaega e fou a o le mea a ia la na aliali ai, o le mao’ae o le tatou tama lea na alu atu i iinei, faatoa alu lea i fafo faatoa taaalo lea i fafo ae lua ea sikoa la na ia sekiina, a? o le uiga o lea mea lea la e atagia ai ke le alu i fafo o lea a telē le taleni lea e i Samoa nei, o lona uiga leiloa poo leisi taaloga ua matua maoa’e le taaalo a le tatou tama, ua amata ona faapenei mai mata o kalapu i fafo e tuu iai sina ana tu kele e alu atu ai e taalo i o. Ia o le mea lena e le taofia, a? ae pau a le mea ia a oo loa i le taimi o le a sisi ai le tagavai o Samoa i tauvaga faavaomalo, ia na sau lea e taalo ai foi, e iai si tama lea foi o Nanai Williams, a? O le matua’i maoa’e o le taalo na ua iai si tama lena.” 

© Samoa Observer 2016

Developed by Samoa Observer in Apia