Fa’aoga tatau lou taimi

By Fetalai Tuilulu’u 13 April 2017, 12:00AM

O le maua ai o le fa’atalatalanoaga a le Fofoga o Samoa ma le tupulaga talavou ia Toa Leaupepe o Fasito’o Uta sa ia fa’alia ai lona manatu e le aoga ona fa’ama’uma’u se taimi. 

O lona iloa ai le tele o fa’afiatuli o lo’o feagai ai ma tagata ae maise le tupulaga i le fesoa’i sole ma le fa’amaimau le taimi, ae o lo’o ia galue pea lava mo lona aiga. 

O Toa e 23 tausaga le matua le soifua ma o ia nei o lo’o faia le fatu aiga tausi e ala le galue le maumaga. 

“Ia e pei ona tau mai le tou ofisa i lenei itula le aso, ia ua malolo mai foi galuega mai le maumaga o lea foi la e taga’i mai ua foi mai uta le maumaga. 

“Ua tele lava le suiga i totonu o Samoa ma ua ova foi le taugata le soifuaga ua iai nei, o le ala foi lea o le galue malosi aua foi ua iloa lelei le tele o mea fai. 

“Ioe o le tupe lava le pogai o le matitiva o tagata, aua o aso nei o tupe lava mea uma, o le ala foi lea o tele o fa’afitauli o lo’o tutupu mai ona o le su’eina lava o le tupe. 

“O le tulaga foi taus seleni a le galue malosi ma sulu le ulu e maua se mea aoga.

Sa taua e Toa o si o latou aiga sa fa’amoemoe si ona tuafafine faigaluega peitai o si ona tuafafine o le a tu’ua le Atunu’u e saili manuia i Niu Sila o lea o se avega mamafa aua o le a  va’ava’ai mamao se isi ala ga tupe mo si ona aiga. 

“O le mau lava a a’u ia, e le aoga le ola fa’alagolago, o le olaga nei o le tagata lava ia ma lona aiga. 

“O lea foi se naunauga ina ia galue malosi ma ia ola lava le tagata ia i lona ia malosi. 

“Aua lava nei nofo a’i, fa’aoga tatau lou malosi ma lou taimi e galuega ai ma alofa lou aiga. 

E talitonu foi Toa e leai se mativa i Samoa. 

“O lo’u lava ia iloa e leai lava se na tulaga tau mativa i Samoa, ana fa’apea foi e iai se mativa i Samoa ua tatou vaaia foi le tele o tagata ua safa le auala ma ua tele lava se suiga ua iai Samoa. 

“Peita’i o lo’o ola fiafia lava tagata, e tofu lava tatou ma le lau eleele e galue ai ma fa’aoga tatau e tofu foi  aiga ma le fale ma o le tele o meaai o lo’o si’omia ai tatou

By Fetalai Tuilulu’u 13 April 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>