Le talia ulugali’i le’i fa’aipoipo ‘e aofia ai ma tama’ita’i ma alii (leoleo) ua fananau i isi i totonu lava o le matagaluega ae le’o nonofo

By Ilia L Likou 13 March 2018, 12:00AM

O lea le saunoaga manino i le   afioga i le Palemia o Samoa, Tuilaepa Sa’ilele Malielegaoi i le fa’atalatalanoaga talu ai neI.

O lea le saunoaga a le Palemia, ma  e aofia ai mai ma tama’ita’i ma alii ua fananau i isi i totonu lava o le matagaluega.

Ua fa’aleoina e se taule’ale’a sa avea muamua ma leoleo o le matagaluega ona o le lē talafeagai o le fa’aiuga ale Minisita ole Matagaluega ma le Palemia, Tuilaepa Sailele Malielegaoi e uiga e le tatau ona toe galulue fa’atasi ni ulugali’i i le matagaluega e tasi.

I nisi o ripoti talu ain a fa’asea ai se tasi o le matagaluega e fa’atatau i le fa’ailoga tagata ma le lē fea ona fai o tagata faigaluega.

O Mauigoa sa i totonu o le matagaluega i le fitu tausaga.

O lo’o ua fa’aipoipo atu fo’i i se tama’ita’i leoleo ma e toa’tolu nai o la’ua alo.

O lenei aiga e lona 23 i ai ulugali’i sa fa’apeaona a’afia i le fa’aiuga ale Minisita o le Matagaluega lea sa faia i a Novema, 2017.

Ae o lea fa’atoa mafai ona saunoa lautele mai e uiga i lea tulaga.

“Sa matou talosagaina le Komesina o Leoleo mo se fesoasoani i se isi itu tau seleni, ae peita’i sa ia saunoa mai, e tasi le tausaga na aumai ai e le malo le avanoa mo matou ina ia matou sa’ilia ai nisi galuega,” o lana saunoaga lea i le Samoa Observer.

“Ae sa’o le malo na aumaia le avanoa ma tu’uina mai le 12 masina e matou te sa’ili galuega ai.” Sa fa’aalia e lea tamā le fa’ailoga tagata o lenei fa’aiuga ona o lea e na’o ulugali’i ua uma ona fa’aipoipoina o lea e a’afia ai.

“Ae fa’apefea i latou o lo’o nonof fa’apouliuli,” o le fesili lea a Mauigoa.

“O lea ua taula’i le va’ai a le malo i ulugali’i ua uma ona fa’aipoipoina, ae fa’afefea ulugali’i o lo’o nonofo fa’apouliuli ma i latou e le’i fa’atulafonoina a latou fa’aipoipoga?

“O le solitulafono le nonof o se ulugali’i ae le’I fa’aipoipoina.

“E o’o mai i le taimi nei ou te le’o malamalama po’o le a le a’afiaga o ulugali’i pe a faigaluega fa’atasi.

“E leai ma se afaina o le galuega i lea tulaga.

“Ae sa tatau fo’i la ona fai le fa’aiuga i ulugali’i uma lava fa’aipoipo ma le au le fa’aipoipo.

“Matua’i le talafeagai lava lea fa’aiuga.”

Sa ia ta’ua i le la’ua lava va ma lona to’alua, o lona to’alua sa tu’u e fa’amavae.

“Ae peita’i, sa alu le matou malaga i Ni’u Sila o le mafuaaga lea na ala ai ona ma malilie fa’atasi o le a fai a’u ma mamoe e osi ai le taulaga,” o le saunoaga lea a Mauigoa.

“O le taimi nei o lo’o tau sa’ili lava se galuega.”

Sa ia ta’ua fo’i talu mai lava lenei fa’aiuga ua tele ina safa ai ma la’ua ona o le itu tau seleni.

I le masina na se’i mavae atu nei, sa lagā ai e le Sui o le Fofoga o le Fono, Nafo'itoa Talaimanu Keti, le mataupu lenei ma ia fa’ailoa ai o lo’o i ai se fa’aletonu i le tulafono lenei, o le le fa’atagaina o ulugali’i ona toe galulue fa’atasi i totonu o le matagaluega a leoleo.

O lenei mataupu sa fa’ailoa i totonu o le palemene ma fesiligia ai pe aisea ua leai ai ni tupe maua mo i latou ia ua fosi e fa’amavae ona o le tulafono fou.

“Tusa lava pe o lea ua uma ona pasia, ae ao pea ona ta’u atu le a’afiaga tele o lo’o i ai i le matagaluega a leoleo.

O nisi o alo o Nafo’itoa sa a’afia i lenei tulafono.

“Sa o ese e leai ma se gagana, ona o le tulafono fou lea ua i ai i le matagaluega.

“Sa oese e aunoa ma se penifiti na maua mai, ma o se popolega lea sa i ai.

“Sa tatau i le malo ona latou iloiloina lea mataupu ma latou fesoasoani e sailia ni galuega mo i latou nei, aemaise lava o nisi e i ai a latou nonogatupe o lo’o tau totogi.

“O aso nei o le talosagaina o se galuega e pei o le talosagaina o le visa, aemaise lava pe afai o oe sa leoleo muamua.

“Faigata ona toe maua se galuega i le vaitau lenei.”

O lea popolega sa lagolagoina e le Faumuina Tiatia Liuga, ma sa ia fa’ailoa ai sa tatau ona i ai se fesoasoani a le malo.

“So’o se vaea lava e faia e le pule o le galuega e tatau lava i le e onaina le kamupani ona fesoasoani i nai tagata ua vāea, seiloga lava ua tuli le tagata faigaluega,” o le saunoaga lea a Faumuina.

“O tulafono a atunu’u i fafo so’o se tagata lava ua aofia i le au vāea e tatau ona i ai se fesoasoani tau seleni.”

Ae sa fa’asalāvei e le Sui Minista o le Matagaluega o Leoleo, Peseta Vaifou Tevaga.

Sa ia fa’ailoa o le tulafono e uiga i le le fatagaina o ulugali’i ma au aiga ona galulue fa’atasi e le o se tulafono fou.

“O lenei tulafono e mai le ofisa o tagata faigaluega ona e tula’i mai ai ni fete’enaiga i le va o ulugali’i aemaise ai o le matagaluega.

“O lenei tulafono e le o se mea fou, ua leva o i ai, pau le tulaga lea na fa’atinoina e le minisita o le matagaluega o le toe fa’amalosia.”

By Ilia L Likou 13 March 2018, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>