Ia tausi lelei aiga
O Sione Finau o se tamā lei fai se aiga ma o lo’o nofo nei e tausi si ona tinā matua ma lona aiga i Safa’ato’a Lefaga.
O le maua ai le fa’atalatalanoaga a le Fofoga o Samoa ma le tamā 45 tausga ale matua le aso ananafi sa ia fa’ailo ai le sologa lelei o tulaga tau tausi aiga.
“O lo’o lelei mea uma totonu si o’u aiga, o lo’o sologa lelei le tausiga o le tinā ma e leai se mea o fa’aletonu. O lana lea tala.
“Lelei tau seleni le tausiga o aiga ma mea fain a leai lava se fa’fitauli o maua I tua nei.
“O si omatou aiga o lo’o fa’alagolago lava i le maumaga ae le gata foi lea o nai seleni o lo’o maua mai le matou poloka i le maketi o lo’o fa’atau ai iputī ma ma nisi foi o mea’ai.”O le tupe maua e lava lelei le fa’asoa aua mea fai le nu’u, ekalesia ae le gata i lea o le tausiga le soifua maloloina le tinā le aiga.
“I le itu foi tau paipa ma le eletise o lo’o lelei ma atoatoa mea uma.
Sa fesiligia pe iai se galuega, sa ia fa’apea mai e leai se galuega sili nai lo le tausiga si ona tinā matua.
“O le taimi nei e le’i faia so’u to’alua,leai foi se fanau ae o le aiga lavao lo’o gafa nei ma le tausiga.
“O le tulaga lava lea o le tausiga o le aiga o se tasi lea o matafaioi o lo’o gata nei ma lo’u tagata ma out e fiafia lava iai aua e le sili atu se isi manuia nai lo manuia mai le tausiga o matua.
E ui i lona maitauina o le soifuaga ua fai lava sina faigata ma le taugata, ae uma ai le ola galue ma le ola taumafai ina ia manuia aiga.
“O le ala foi lea o le lē fa’amoemoe i se vaega se tasi ma faia ai le maumaga e tua ai foi i se isi taimi.
“E tēle foi le fesoasoani o le maumaga i le tausiga si o matou aiga e ala mai i le fa’atauina o nisi o vaega i le faleoloa e maua ai se isi vaega tupe.
Sa ia fa’alia i lana fa’atalatalanoaga e aua le maimaua le taimi e faitio ai ae ia galuega ma sana galuega pea aua le lelei mo aiga
“O lo’o iai fanua, e tofu lava le tagata ma le fanua e galue ai, aua le fa’alagolago le tasi i le tasi.
Na ia mitamita foi e fa’ailoa le manaia o le ola i totonu o nu’u pei o lona nu’u.
“E sologa lelei mea uma ma filemu le nonofo ai tua nei, leai se mea e tasi e fa’aletonu.