Suāvai o le ola o tagata soifua

Tusia Seia Soloi ,

70 Hits

Faasuamalie Faasoloviti

Faasuamalie Faasoloviti (Photo: Sei’a Soloi)

E maua mea uma o le olaga e pei o meaai ma tupe e faatino ai manaoga i mea fai a aiga, ae a leai se suavai, ua le aoga atoa feau i totonu o aiga.

O le suavai o le ola lea o le tagata soifua i aso uma.

O le manatu faaalia lea o le tama ia Faasuamalie Faasoloviti, 60-tausaga le matua ma i le afioaga o Aleisa.

Na ia faaailoa ua au tausagã o feagai pea aiga o lo’o nonofo i Aleisa ma lea faafitauli, o le leai o se suavai i aiga o lo’o nonofo i uta o le nuu.

“E le fou ua leva, na’o aiga lava o lo’o i luma e lata i le auala e maua le suavai ae mo matou, e saili lava e le aiga le suavai mo ona tagata.

Na ia faaailoa o le suavai o le mea pito sili lea ona taua i le olaga o soo se tagata soifua, aua o le ola.

“Tele itu e moomia ai le suavai e le gata i feau i totonu o aiga aemaise meaai ma tagamea, ua masani ai tagata o lo tatou atunuu.

O le naunautaiga o le tama ina ia vave mai se taimi e faaleleia ai a latou suavai aua le ola ai mo aso uma o tagata o lona afioaga.

‘E le’o na’o matou le aiga lea e faafeagai ma lea faafitauli, o aiga uma lava o lo’o nonofo i tua.

O le ala lea e moomia ai lava e le tama ia Faasuamalie se tane-vai mo le sefeina o vai mo ia ma lona aiga.

“Po o le a le taugata e taumafai lava i le mea e gata ai le malosi ina ia faamuamua le mea e pito sili ona moomia mo le tausiga o aiga ma fanau.

© Samoa Observer 2016

Developed by Samoa Observer in Apia