Ola a’oa’oina ma lona malosi’aga

Tusia Ilia L. Likou ,

68 Hits

Tevita Amituana’i.

Tevita Amituana’i. (Photo: Ilia L Likou)

O le ola a’oa’oina lelei o fanau o manuia ia o aiga, nu’u, ekalesia ma le atunu’u.

O lea le talitonuga o le ali’i talavou i a Tevita Amituana’i i le Fofoga o Samoa i le aso ananafi.

O le tausaga na se’i mavae atu nei na fa’au’uina mai ai o ia i le Aoga Fa’a-le-Inisinia mai le Iunivesite o  Samoa.

“Ia o a’u e matua o le fanau e to’alua a si o’u tinā.’ Tevita i le Fofoga o Samoa.

“E pei o la’u ia lea fa’amoemoega tele i le taimi lenei, ia o le taumafai e sailia se galuega aua lava le tausiaina lelei o si o matou aiga.

“Ae e le’o i ai se fa’amoemoe e uma ai le olaga a’oao’oina ae o le taumafai lava ia una’ia pea a’u ina ia ou ausia vaega uma nei.

“Ou te iloa lava e a’u ia e le faigofie ae e suamalie lava le tali mai o galuega ma le tautigā pe finafinau i le ola a’oa’oina.

Na ia fa’ailoa o le ola a’oa’oina o se vaifofo lea i le tele o fa’afitauli.

“Ia o la’u ia lea talitonuga e pei ona ua i ai nei.

“O lea fo’i le a’oa’oga i a te a’u lava ia, e pei o fa’afitauli ia aua le alo ai, aua o vaega nei e tapena tele ai le ola mo le lumana’i.

“Ia o le taimi lenei o lea lava le fa’amoemoega  o lo’o ua alu ai lava i le taimi lenei.

“E taumafai ina ia fa’ailoa pea so’o se vaega aua lava le taumafai ai mo le lelei o so’o se taumafaiga o lo’o ua tatou i ai nei.

Na ia ta’ua o le taimi lenei o lo’o ua amata ona su’e se galuega.

“Ia e pei ona fa’ailoa muamua atu, o le amata loa ona su’e se galuega e mapu i ai le taimi lenei.

“O lo’u ia lea mafaufau, ia a maua se galuega , ia o le a toe taumafai ai e  alu e fa’aauau aoga.

“Ae pei o lea lo’u ia manatu i ai le taimi lenei, e pei e lelei fo’i se’i alu e fa’ata’ita’i le olaga galue ia ma fesoasoani si o matou aiga.

O lona talitonuga o le ola a’oa’oina lelei o ala ia i le manuia.

‘Ia o le ala fo’i lea o le tulei ai lava i le taimi lenei i tulaga tau a’oa’oga.

“O le iloa ai lea ona ola e manatunatu lelei aua se lumana’i mo a taeao.

© Samoa Observer 2016

Developed by Samoa Observer in Apia