Manatu o le Fa’atonu - ‘Na o Samoa lava e maua ai ae lē malie
Tusia - Mata’afa Keni Lesa
Faaliliu e Seagaitumua Tupuola
Talu ai ona ua lofia ulutala o tusitusiga i le faiga-palota, polokiki ma faiga pi’opi’o-ae mulimuli ane o le mataupu autu lava o talanoaga i le salafa o le atunuu i lenei vaiaso-e lelei ona tatou se’i manava teisi lava i lenei aso. Ia manatua foi o le faaiuga lenei o le vaiaso ma ua tatau ai ona fai sina malologa a le fai’ai, taliga ma mata-mai le tu’i e faiga-palota ma le faavalevalea e soso’o ai lea ua matua noatia ai le malo.
O lea tulaga e aga’i ina faatetele ona leaga i ni nai aso o i luma ae o vaega uma lava ia o le faagasologa i taimi faapenei.
I le taimi nei la, o se tepa faanatinati i nai lomia talu ai a la outou nusipepa, sa i ai se vaega tele o tala uiga ese mai le lelelei, le leaga ma le mataga.
Ae peitai, o se tasi o tala e sili ona ‘ou fiafia i ai -e tatau ona faapea o tala ia e uiga i pasi ma amioaga a latou avetaavale e peiseai latou te pulea le auala. O lea tala na lomia faasalalau i le lomiga o le Aso Tofi i lalo o le ulutala “E leai ni fai’ai ma e matua le kea lava.” Ia ua lelei-o lona uiga la-o lea mataupu o loo avea pea mea faatiga itiiti mo le faitau i le faaiuga o le vaiaso ae peitai-e tatau ona e ‘ata poo le le iloa o au mapu.
E leai se tulaga msalomia e faapea o i tatou um lava ua tatou tofo i lenei faavalevalea mai lea taimi i le isi taimi i totonu o le parataiso.
Ioe uso e, o se tasi lea o mea e sili ona faatiga i le itu i lou avetaavale i totonu o Samoa. E manaia lou femalagaa’i i le ala ae faafuasei lava ona tu le pasi-poo se taavale la’upasese i nisi taimi i ou luma. E manino mai e matua le o malamalama lava le avetaavale i le mea moni e faapea o loo i ai se solo taavale i ona tua ma se avetaavale e pei o oe. Ae peitai-e le popole i ai o ia. E faifai malie lava ia ma faifai malie lona taimi, e faatoa alu ese pe a loto lava ia e alu ese.
O le itu e sili atu ona tiga ona o lana amio lava lea e fai i taimi uma. O le mea masani lava lea i le faalogo? Ioe? Ia-afio maia i Samoa nei.
O se tasi lenei o itu ua latou iloa ma e mafai ai ona tatou faaaogaina i se faiga talafeagai ‘o le faiga masani lea na o Samoa e maua ai. Ua matou faai atu faapenei talu ai e na o Samoa lava e mafai ai e le pasi ona tu i mita ta’i-lima uma e tu’u le pasese? O le itu leaga e faapea e le mafai e le avepasi ona faa’e’e le pu i le lalolagi nei pe a i se tulaga lamatia le soifua o se isi avetaavale. E na ona aoo lava o lana 50 sene o le pasese ma alu ese e peiseai o se mea masani lea.
E le o se mea masani lea. O se faiga solitulafono lenei. Ae peitai, o Samoa lenei e tatau ai ona fai ma mea masani talu ai latou te faia pea lea tulaga.
O le itu mata’utia, e aliali mai e leai se isi e kea i ai. E fai foi e nei tagata lea lava faiga i totonu o nuu, i Savaii ma e o’o lava i Apia i lumafale o Alii Leoleo ma le alii ofisa o le L.T.A. ia e tatau ona latou mata’ituina tulafono o ala tetele. Ua faafia ona tatou vaaia se pasi o ona poloka se tasi o vaega o le auala i luga o lea auau e fai ona ala mo feoaiga i le alu i Malifa a ua toe o se mita e tasi le mamao o le vaega e faatu ai le pasi? O fea e o mai ai nei tagata ma le manatu e faapea e leai se mea o i ai pe a fai lea tulaga? Ma aisea ua le faaailoa atu ai se alii ofisa e faamalosi le tulafono ia i latou e sese ona fai lea tulaga?
O le tala lea ou te ta’ua i se tasi itu o loo talanoaina ai pe faapefea e lenei ituaiga o avetaavale faatamala ona taitaina tagata e tuai mo le galuega, a’oga ma le taunuu i le fale.
O le isi itu, o le soli pea o le tulafono ua tuuina atu ai le manatu e faapea e leai lava se isi o kea i le tulafono i totonu o Samoa. O le mea lea- afai e mafai e avetaavale o pasi ma taavale la’upasese mo lea itu-ona soli le tulafono i taimi uma, aisea lava e tatau ai ona popona isi avetaavale e tausi le tulafono? Ae peitai-e i ai se isi itu e sili ona faigata o lenei mataupu. E faapea afai e faaauau pea ona fai e nei avepasi lenei faiga, e i ai lava se tasi e maliu ai i se aso. O le a i ai le taimi e taunuu ai lenei tu faafuase’i i le ogatotonu o le auala i se faalavelave faafuase’i lea o le a maumau ai se soifua o se tasi o tagata lautele
Tatou te manaomia la lea tulaga?
O se mea lenei o loo faatali i ai alii ofisa e faamalosia le tulafono? O le itu taua e faapea o tulafono sa fuafuaina ia faaaloalogia ma usita’ia.
Ma afai ua aiaia nofoaga e faatutu ai pasi mo pasi ina ia faaaoga, o lona uiga-ia una’ia i latou ina ia fai na o lena.
“Ia ‘aua nei o tatou faatagaina lenei amio faavalevalea e faaauau pea talu ai-e le gata ina faatiga mo tagata uma-ae ua tuuina atu ai foi se faamata’u uiga ese i le saogalemu o tagata i luga o le auala.
Faamata e mafai e se tasi ua i ai le pule ona taofi lenei mea? Faamolemole!