Ia galulue fa’atasi

By Ilia L Likou 12 November 2017, 12:00AM

O se itu taua tele mo nai o tatou tagata o le taumafai lava lea e fa’atosina mai turisi i Samoa.

O lea le finagalo fa’aalia o Pule Anela o Lalolmanu i le Fofoga o Samoa.

“Ia o nei aso ua faigata lava le tulaga ua i ai nei si o tatou atunu’u ma ua faigata lava, ona ua le pei nei aso o la aso le tele o tagata tafafao mai fafo."

“O se itu e ao ona o tatou toe silasila fo’i i ai, ina ia una’i mai pea i latou e tafafao mai i si o tatou atunu’u."

“Ia e mo le silafia ai, o lo’u ia iloa e ao lava i nai o tatou tagata ona taumafai ona tulei i latou e tafafao mai Samoa i nai o tatou nu’u i tua."

“O le uiga o la’u tala, o i latou nei e le’o omai e o e nonofo ni fale talimalo tetele ma le mananaia o lo’o mananao i se isi si’osi’omaga e ese mai."

“O si o tatou atunu’u la, ia e pei o tua lava i nu’u ma afio’aga e manaia e aumai ai tua turisi, e silasila i le olaga o aso faiso’o o lo’o ola ma soifua ai nai o tatou tagata."

“E pei o lea lava le tulaga o lo’o o’u iloa i ai, ia aumai i latou i tua nei, ina ia mafai ona fa’atino o so’o se tulaga e pei o le tele o nai o tatou tu ma aganu’u i tua nei."

“O le uiga o la’u tala a toe fo’i i atunu’u i fafo, o iina e pei o le a o atu ma ave atu i isi fo’i turisi le manaia o Samoa."

‘Ia e pei e una’i mai ai le tele o turisi i tua nei, o le uiga lena o la’u tala i le taimi lenei, e leai lava se isi mea e mafai ai ona avatu le tala lelei o si o tatou atunu’u  i fafo ma aumai ai nisi tagata tafafao mai."

“O le omai ai fo’i ma asia aiga ma afio’aga ia e latou te iloa ai fo’i tu ma aganu’u o Samoa, ma le olaga o lo’o ola ma soifua ai o tatou tagata i aso uma."

By Ilia L Likou 12 November 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>