TA’UTINOGA A SAGATO AOKUSITINO-OLA FAATA’ITA’I IA KERISO

Tusia Fuimaono Na’oia Faasavalu Touli F. Tupua ,

180 Hits

- Confessions of St. Augustine-Immitation of Christ.

- Confessions of St. Augustine-Immitation of Christ.

E UIGA I LE FIAFIA O SE AGAGA SA’OLOTO-E MAFAI ONA MAUA MAI LE TATALO FAATAUANAU-I LO LE FAITAU SO’O

Le Alii e-o le galuega lenei a se tagata amio lelei-ma ia ‘aua ne’i faatalalē lona mafaufau i mea o i le Lagi-ma le anoano o tausiga ua mavae atu e peiseai-e le popona i ai-ma e le o se amio foi e ese ai-ae ona o le taui o le mafaufau e sa’oloto-e le o loo pipi’i mau i se mea na faia-ae o le alofa moni!

Ou te aioi atu i Lau Afio, o lo’u Alii ma lo’u Atua e alofa mutimutivale-ia e tausi a’u mai mea o lenei lalolagi-ina ne’i saisaitia ai o a’u-mai mea e tatau ona fai e le ola faale-tino-ina ne’i o’u naunau ai e saisaitia a’u e mea e fiafia i ai; mai faafitauli o le agaga.

Lo’u Atua e-o le suamalie e le faamatalaina e i’u ina oona ai mea fiafia uma o lo’u naunau faale-tino-ma tosina ese atu ai a’u -mai le mea ua e faataatia i o’u luma ina ia maua ai lo’u fiafia. Lo’u Alii e-‘aua e te tuua le tino ma le toto e pulea a’u-ia ‘aua ne’i e tuua  le lalolagi ma lona mamalu e le tumau-e faasese a’u nei; aua e te tuua le tevolo ma ana ‘au e taofi a’u.

Ia e aumai ia te a’u le lototele e tete’e atu ai, ma le onosa’i e tali atu ai- le lotomau e faatumauina ai. Ia e foa’i mai-e fai ma sui o mea lelei uma o le lalolagi-le una’iga suamalie a lou Agaga-ma e fai ma sui o lou alofa faamaoni-e liligi mai i totonu ia te a’u-e le alofa i Lou Suafa!

© Samoa Observer 2016

Developed by Samoa Observer in Apia